SSR Case: سی بی آئی نے مسترد کیا قتل کا اینگل ، جلد پیش کرے گی اپنی کلوزر پورٹ : ذرائع

سشانت سنگھ راجپوت کی موت کے معاملہ میں ایک تازہ اپ ڈیٹ سامنے آئی ہے ۔ سینٹرل بیورو آف انویسٹی گیشن ( سی بی آئی ) جلد ہی اس پورے معاملہ کی جانچ ختم کرکے اپنی کلوزر رپورٹ پیش کرسکتی ہے ۔ اطلاعات کے مطابق سی بی آئی نے سشانت کی موت میں کسی بھی طرح کی گڑبڑی سے انکار کیا ہے ۔

زی نیوز نے ذرائع کے حوالے سے خبر دی ہے کہ اس معاملہ کی جانچ کررہی ایس آئی ٹی نے اپنی جانچ پوری کرلی ہے اور وہ کچھ ہی دنوں میں بہار کورٹ میں اپنی فائنل رپورٹ پیش کرنے والی ہے ۔

وہیں ٹائمس آف انڈیا کی رپورٹ میں ذرائع کے حوالے سے بتایا گیا ہے کہ سی بی آئی کو اس معاملہ میں کسی بھی طرح کی گڑبڑی کا شک نہیں ہے ، وہ اپنی کلوزر رپورٹ بہار کورٹ کے سامنے جلد ہی پیش کرے گی ۔

بتادیں کہ کچھ دنوں پہلے ہی آل انڈیا میڈیکل انسٹی ٹیوٹ ( ایمس) کے فورینسک میڈیکل بورڈ نے سشانت کی آٹوپسی رپورٹ بھی تفتیشی ایجنسی کو سونپی تھی ، جس میں بھی سشانت کی موت میں قتل کی تھیوری کو پوری طرح سے خارج کردیا گیا تھا ۔

خیال رہے کہ سشانت سنگھ راجپوت کی موت میں ڈرگس اینگل سامنے آنے کے بعد ان کی گرل فرینڈ ریا چکرورتی کو این سی بی نے حراست میں لیا تھا اور ریا کو حال ہی میں بامبے ہائی کورٹ سے ضمانت مل ہی ۔

ریا چکرورتی اور ان کے اہل خانہ پر بہار میں سشانت سنگھ راجپوت کے والد کے ذریعہ معاملہ درج کرایا گیا تھا ، جس میں ریا پر سشانت کو خودکشی کیلئے اکسانے کی بات کہی گئی تھی ۔