کیارا سے لے کر عالیہ تک، دن میں کیوں شادی کرتی ہیں اداکارائیں، وجہ جان کر رہ جائیں گے دنگ!
کیارا اڈوانی اور سدھارتھ ملہوترا رشتہ ازدواج میں منسلک ہوگئے ہیں ۔ اہل خانہ اور دوستوں کی موجودگی میں اس جوڑے نے ساتھ پھیرے لئے ۔ اس شادی کی سب سے خاص بات یہ رہی کہ کٹرینہ کیف۔ وکی کوشل، دپییکا پڈوکون ۔ رنویر سنگھ ، اتھیا شیٹی ۔ کے ایل راہل اور عالیہ بھٹ ۔ رنبیر کپور کی طرح اس جوڑے نے بھی طلوع ہوتے ہوئے سورج کی بجائے غروب ہوتے ہوئے سورج کو اپنی شادی کا گواہ بنایا ۔ جانئے آخر ایسا کیوں؟
بالی ووڈ میں کب کیا ٹرینڈ بن جائے یہ کہہ پانا کافی مشکل ہے ۔ آج کل بالی ووڈ میں ایک بات کافی تیزی سے رائج ہورہی ہے اور وہ شادی کا مہورت ہے ۔ ہندو رسم و روج اور روایات کی مانیں تو شادیوں کیلئے اچھا وقت علی الصبح کا وقت یا پھر رات کا وقت ہوتا ہے ۔ روایات کے مطابق اکثر شادیاں یا تو علی الصبح یا پھر رات میں ہوتی ہیں ، لیکن بالی ووڈ میں اب نیا ٹرینڈ شروع ہوگیا ہے ۔ ستارے اب رات اور دن کو چھوڑ کر شام یعنی غروب ہوتے ہوئے سورج کی روشنی میں شادی کرتے ہیں ۔
ڈوبتے ہوئے سورج کی روشنی کے درمیان شادی کرنے کے پس منظر میں نہ تو کوئی روایت ہے اور نہ ہی کوئی خاص رسم و رواج ، اس کے پیچھے صرف کیمرے کا ایک کلک ہے ۔ آپ سوچ رہے ہوں گے کہ یہ کیا مصیبت ہے تو آپ کو بتادیں کہ شام کا وقت ایسا وقت ہوتا ہے جس میں کھینچی گئی تصاویر کافی شاندار ہوتی ہیں ۔ بالی ووڈ ستارے اس روشنی کے دیوانے ہیں اور اب زیادہ تر شادیاں شام کے وقت میں ہونے لگی ہیں ۔ بالی ووڈ جوڑوں کی کچھ تصویروں میں آپ اس کو بخوبی دیکھ سکتے ہیں ۔ بتادیں کہ اداکاراوں میں اس روشنی کو لے کر ایک الگ ہی کریز نظر آتا ہے ۔
