پہلے نہیں دیکھا ہوگا ایسا شادی کارڈ، کیارا ۔ سدھارتھ نے کیا غضب کا تجربہ، ایک چیز نے بنا دیا منفرد

نئی دہلی : بالی ووڈ کی مشہور اداکارہ کیارا اڈوانی اور مشہور اداکار سدھارتھ ملہوترا کی شادی سات فروری کو راجستھان میں ہوئی ۔ دونوں کی شادی میں کنبہ کے علاوہ بالی ووڈ کے کئی بڑے سلیبریٹیز نے بھی شرکت کی ۔ شادی کے بعد کیارا اور سدھارتھ دونوں نے اپنے اپنے انسٹاگرام پر اپنی شادی کی تصویریں شیئر کرکے اپنے چاہنے والوں سے آشیرواد کی درخواست کی ۔ تصویر: Instagram @sidmalhotra

کیارا اور سدھارتھ کی شادی کی تصویریں سامنے آتے ہی سوشل میڈیا پر وائرل ہونے لگیں اور فینس مسلسل ان کی تصویروں پر اپنی محبت کی برسات کررہے ہیں ۔ اسی درمیان دونوں کا شادی کارڈ بھی سامنے آیا ہے، جو کافی دلچسپ ہے ۔ تصویر: Instagram @sidmalhotra

دراصل کیارا اور سدھارتھ کا شادی کارڈ اس لئے سب سے الگ اور شاندار ہے، کیونکہ اس کارڈ میں ان دونوں نے اپنے اپنے نام تو لکھوائے ہیں، ساتھ ہی اس میں ایس کے کا ایک لوگو بھی لگوایا ہے، جو اس کارڈ کافی منفرد بنا رہا ہے ۔

اس سے پہلے سدھارتھ نے اپنی شادی کی تین تصویریں شیئر کی تھیں اور اس کے ساتھ انسٹاگرام پر انہوں نے جو کیپشن لکھا تھا وہ کافی خوبصورت تھا ۔ سدھارتھ نے اپنی اس پوسٹ میں لکھا تھا : اب ہماری پرماننٹ بکنگ ہوگئی ہے ۔ تصویر: Instagram @sidmalhotra

بتادیں کہ گزشتہ کچھ مہینوں سے کیارا اور سدھارتھ کے درمیان معاشقہ کی خبریں کافی گردش کررہی تھیں، لیکن دونوں میں سے کسی نے بھی کچھ بھی نہیں کہا اور آخرکار انہوں نے سات فروری کو راجستھان میں شادی کرکے سبھی افواہوں کو ختم کردیا ۔ تصویر: Instagram @sidmalhotra