آرین خان کو لیکر پاکستانی اداکارہ سعدیہ خان نے توڑی خاموشی، شاہ رخ خان کے صاحبزادے کی بتائی سچائی

ممبئی: شاہ رخ خان اپنی آنے والی فلم 'پٹھان' کو لے کر مسلسل سرخیوں میں ہیں۔ وہیں ان کے بیٹے آرین خان (Aryan Khan) بھی گزشتہ کچھ دنوں سے سرخیوں میں ہیں۔ جب آرین کی پاکستانی اداکارہ و ماڈل سعدیہ خان (Sadia Khan) کے ساتھ پارٹی کرتے ہوئے تصویر سامنے آئی تو ڈیٹنگ کی قیاس آرائیاں شروع ہوگئیں۔

سوشل میڈیا پر وائرل ہونے والی نئے سال کی پارٹی کی تصویر میں آرین اور سعدیہ کو پوز دیتے ہوئے دیکھا گیا۔ اب ایک انٹرویو میں سعدیہ نے آرین کو پیارا اور خوش اخلاق بتاتے ہوئے رلیشن شپ کی افواہوں کو بے بنیاد بتایا ہے۔

آرین خان سے ڈیٹنگ کی افواہوں کو بے بنیاد بتاتے ہوئے پاکستانی اداکارہ سعدیہ خان نے کہا کہ اس میں کوئی صداقت نہیں ہے۔

یو اے ای سٹی ٹائمز سے بات کرتے ہوئے سعدیہ نے کہا، 'یہ عجیب بات ہے کہ کچھ جانے بغیر ہی لوگ میرے اور آرین کے بارے میں کیسے کہانی بنا رہے ہیں؟ ایسی خبروں کی کوئی حد ہونی چاہیے۔

سعدیہ خان نے انکشاف کیا کہ 'دبئی میں نئے سال کی پارٹی میں ہم ملے، باتیں کیں اور ساتھ میں فوٹو کھنچوائی، جیسا دوسرے کرتے ہیں۔

میں ایسی بے بنیاد افواہوں کی تردید کرتی ہوں اور یہ کہنا چاہوں گی کہ آرین بہت پیارا اور تہذیب یافتہ لڑکا ہے۔ اس لیے برائے مہربانی ہمارے بارے میں ایسی بے بنیاد افواہوں کو پھیلانا بند کریں۔

اس کا مطلب یہ نہیں ہے کہ ہم ڈیٹنگ کر رہے ہیں۔ آرین کے ساتھ تصویر کلک کروانے والی میں اکیلی نہیں تھی، وہاں اور بھی بہت سے لوگوں نے تصاویر کلک کیں اور سوشل میڈیا پر اپ لوڈ کیں، لیکن پتہ نہیں میری تصویر کیسے وائرل ہوگئی۔

پاکستانی اداکارہ سعدیہ خان

پاکستانی اداکارہ سعدیہ خان