فلم پٹھان نے دوسرے دن بھی مچایا تہلکہ، کی جم کر کمائی! جانئے اب تک کا باکس آفس کلیکشن

ممبئی: شاہ رخ خان کی فلم 'پٹھان' کے 2 دن کے کلیکشن کو دیکھ کر کہا جاسکتا ہے یہ فلم سپر ہٹ ہوگئی ہے۔ فلم نے دوسرے دن مجموعی طور پر 113.6 کروڑ روپے کی کمائی کی، جس کے بعد صرف دو دنوں میں دنیا بھر میں اس کی کمائی 219.6 کروڑ روپے تک پہنچ گئی۔ تصویر: Instagram@iamsrk

دوسرے دن فلم 'پٹھان' نے ہندی مارکیٹ میں 68 کروڑ روپے کی کمائی کی، جب کہ اس کے ڈب ورژن نے 2.5 کروڑ روپے (نیٹ) کا کلیکشن کیا ۔ (ٹویٹر : ترن آدرش)

فلم کی دوسرے دن کل کمائی 70.50 کروڑ روپے نیٹ (82.94 کروڑ گراس) رہی۔ اس طرح یہ ایک ہی دن میں 70 کروڑ کا نیٹ کلیکشن کرنے والی پہلی ہندی فلم بن گئی ہے۔

اس دوران بیرون ملک میں بھی فلم کا کلیکشن ناقابل یقین رہا ۔ فلم نے 30.70 کروڑ روپے کمائے۔ فلم 'پٹھان' نے اپنے دوسرے دن بھی تاریخ رقم کی، جب اس نے اپنا ہی ریکارڈ توڑ دیا۔

پہلے دن فلم نے ہندی ورژن میں 55 کروڑ روپے سے زیادہ کی کمائی کی تھی۔ ڈب شدہ ورژن سے 2 کروڑ کمائے یعنی 57 کروڑ کا نیٹ کلیکشن ہوا ۔

ادھر یش راج فلمز کے سی ای او اکشے دھانی نے کہا کہ ایک انڈسٹری کے طور پر آج جشن کا دن منانے کا دن ہے۔ یہ 'پٹھان' کی کامیابی سے ابھرنے والا سب سے اہم جذبہ ہے۔

انہوں نے کہا کہ یش راج فلمز میڈیا، ناظرین اور انڈسٹری کی حمایت کیلئے سب کی شکر گزار ہے۔ یہ فلم سے محبت ہے، جس کی وجہ سے 'پٹھان' نے موجودہ تمام ریکارڈ توڑ ڈالے۔

سدھارتھ آنند کی ہدایت کاری میں بننے والی فلم 'پٹھان' میں دیپیکا پڈوکون اور جان ابراہم بھی اہم کردار میں ہیں۔ یہ فلم ہندی کے علاوہ تمل اور تیلگو میں بھی ریلیز ہوئی۔

میڈیا رپورٹس کے مطابق دیپیکا پڈوکون نے ایک انٹرویو میں شاہ رخ خان کے لئے کہا تھا کہ میں ان کیلئے جو سوچتی ہوں اسے الفاظ میں بیان نہیں کر سکوں گی۔ ان سے رشتہ احساس اور پیار کا ہے۔ مجھے لگتا ہے کہ ہم بہت خوش قسمت ہیں کہ ہمیں کئی شاندار فلموں میں کام کرنے کا موقع ملا۔