دیپکاپاڈوکون کا بندوق کے ساتھ بولڈ اوتار نے انٹرنیٹ پر مچایا تہلکا، اس دن آؤٹ ہوگا ٹریلر

ممبئی۔ شاہ رخ خان، دیپیکا پاڈوکون اور جان ابراہم نے آنے والی فلم 'پٹھان' کے 4 نئے پوسٹرز جاری کیے ہیں۔ تینوں پوسٹرز میں شاہ رخ، دیپیکا اور جان کے مختلف انداز دیکھے جا رہے ہیں جبکہ ایک پوسٹر میں تینوں کے لک کو ایک ساتھ کولاج بناکر شیئر کیا گیا ہے۔

فلم کے ان چار پوسٹرز کو شیئر کرتے ہوئے شاہ رخ نے بتایا کہ 'پٹھان' (Pathaan Trailer Out) کا ٹریلر کل یعنی 10 جنوری کو رلیز ہوگا۔ ایک کمبائن پوسٹر شیئر کرتے ہوئے انہوں نے لکھا، "انتظار کرنے کا شکریہ... اب پٹھان کی محفل میں آ جاؤ.. پٹھان کا ٹریلر کل صبح 11 بجے رلیز ہوگا۔"

شاہ رخ خان (Shah Rukh Khan) نے مزید لکھا، "25 جنوری کو یش راج فلمز کے 50 ویں سال کے ساتھ اپنے قریبی سینما گھروں میں پٹھان سے لطف اندوز ہوں۔ یہ فلم ہندی، تمل اور تیلگو میں ریلیز کی جائے گی۔

اس کے بعد انہوں نے جان ابراہم (Johan Abraham Pathaan Look) کا سولو پوسٹر شیئر کیا اور لکھا، "ملتے ہیں میدان پر... مزہ آئےگا۔" پوسٹر میں جان جارحانہ انداز میں نظر آ رہے ہیں۔ ان کے ہاتھ میں مشین گن ہے۔

ساتھ ہی شاہ رخ خان نے دیپیکا پاڈوکون کے پٹھان لک کا ایک گلیمرس پوسٹر بھی شیئر کیا ہے۔ اس پوسٹر کو شیئر کرتے ہوئے انہوں نے لکھا، ’’وہ بھی مشن پر ہے۔ مزید جانیں گے کل صبح 11 بجے آنے والے پٹھان کے ٹریلر میں۔

آؤٹ فٹ پوسٹر میں دیپیکا کو بلیو بیک لیس میں دیکھا جا سکتا ہے۔ انہوں نے دونوں ہاتھوں میں بندوق پکڑی ہوئی ہے۔