Raj Kundra Case: جیل سے رہا ہوئے راج کندرا ، دو مہینے بعد کچھ اس حالت میں آئے نظر ، دیکھئے تصاویر

ممبئی: بالی ووڈ اداکارہ شلپا شیٹی کے شوہر اور بزنس مین راج کندراکو پیر کو ممبئی کی ایک مجسٹریٹ عدالت نے ضمانت دے دی ۔ چیف میٹروپولیٹن مجسٹریٹ ایس بی بھاجی پالے نے راج کندرا کی ضمانت عرضی کو 50,000 روپئے کے مچلکے پر منظور کرلیا، جس کے بعد ممبئی کی آرتھر روڈ جیل میں عدالتی حراست میں بند 46 سالہ راج کندرا اب جیل سے باہر آگئے ہیں۔ تصویر : Viral Bhayani

جیل سے باہر آتے وقت راج کندرا سفید ٹی شرٹ اور ڈینم میں نظر آئے ۔ تصویر : Viral Bhayani

اس دوران را کندرا نے پیشانی پر ایک بڑا سا ٹیکہ بھی لگا رکھا تھا ۔ جیسے ہی وہ جیل باہر آئے میڈیا نے انہیں گھیر لیا ۔ تصویر : Viral Bhayani

راج کندر کے معاون اور شریک ملزم ریان تھورپے، جنہیں 19 جولائی کو راج کندرا کے ساتھ ہی گرفتار کیا گیا تھا کو بھی عدالت نے مبینہ طور پر فحش فلمیں بنانے اور کچھ ایپ کے ذریعہ انہیں نشر کرنے سے متعلق معاملے میں ضمانت دے دی تھی۔ تصویر : Viral Bhayani

راج کندرا کو ممبئی پولیس کی رائم برانچ نے تعزیرات ہند، انفارمیشن ٹیکنالوجی ایکٹ اور خواتین کی غیر واضح نمائندگی (ممانعت) ایکٹ کی متعلقہ دفعات کے تحت معاملہ درج کرنے کے بعد گرفتار کیا تھا۔ تصویر : ANI

پولیس کے ذریعہ معاملے میں اضافی چارج شیٹ داخل کرنے کے کچھ دنوں بعد راج کندرا نے گزشتہ ہفتہ کے روز میٹرو پولیٹن مجسٹریٹ عدالت میں ضمانت عرضی داخل کی تھی۔

بزنس مین راج کندرا نے اپنی عرضی میں دعویٰ کیا تھا کہ معاملے میں انہیں ’بلی کا بکرا‘ بنایا جا رہا ہے۔ وہیں پورن ریکٹ کی جانچ کر رہی کرائم برانچ کی پراپرٹی سیل نے معاملے کے دو فرار ملزمین کے خلاف لُک آوٹ نوٹس جاری کیا ہے۔ (Photo @rajkundra9/Instagram)