تصویروں میں دیکھیں ریکھا سے منسلک 20 ان سنی کہانیاں
بالی ووڈ کی سدا بہار اداکارہ ریکھا کی آج سالگرہ ہے۔ ریکھا آج 62 سال کی ہو گئی ہیں۔

بالی ووڈ کی سدا بہار اداکارہ ریکھا کی آج سالگرہ ہے۔ ریکھا آج 62 سال کی ہو گئی ہیں۔ اپنی بہترین اداکاری کے دم پر ریکھا نے سالوں تک بالی ووڈ پر راج کیا۔ آج بھی ریکھا کے سامنے بڑی بڑی ہیروئنیں پھیکی لگتی ہیں۔ کامیابی کے ساتھ ساتھ ریکھا کی زندگی تنازعات سے بھی بھری ہوئی ہے۔ تصویروں میں دیکھیں پراسرار ریکھا سے منسلک 20 ان سنی کہانیاں۔

ریکھا کے والد تمل انڈسٹری کے سپر اسٹار تھے۔ ان کی ماں تمل کی ہیروئن تھیں۔ کہا جاتا ہے کہ ریکھا کی جب پیدائش ہوئی تھی تب ان کے والدین کی شادی نہیں ہوئی تھی۔ ریکھا کے والد نے چار شادیاں کی تھیں، لیکن ان کی ماں سے کبھی شادی نہیں کی، یہاں تک کہ وہ ریکھا کو اپنا خون بھی نہیں مانتے تھے ۔ ریکھا کو اپنے والد سے اتنی نفرت تھی کہ وہ ان کی آخری رسوم میں بھی نہیں گئیں۔ (فلم اسٹل)۔

ریکھا جب چھوٹی سی عمر میں کام کرکے تھک جاتی تھیں اور کام پر جانے سے منع کرتی تھیں تو ان کے بھائی ان کو مارتے تھے۔ (فلم اسٹل)۔

بالی ووڈ میں ریکھا کو 1970 میں فلم 'ساون بھادوں' میں پہلا موقع ملا، یہ فلم سپرہٹ ثابت ہوئی۔ (فلم اسٹل)۔

ریکھا پہلے سانولی اور کافی موٹی ہوا کرتی تھیں، جنہیں ہندی بولتا تک نہیں آتا تھا، لوگ ان کا مذاق اڑایا کرتے تھے۔

ياسر عثمان نے اپنی کتاب ' ریکھا: این انٹولڈ اسٹوری' میں ایک فلم کی شوٹنگ کا ذکر کیا ہے۔ کتاب میں لکھا ہے کہ فلم 'انجانا سفر' کے ڈائریکٹر راجا نواٹھے اور فلم کے ہیرو بسوجيت نے ریکھا کو تنگ کرنے کے لئے فلم کا سین شوٹ کرنے کا پلان بنایا، جس کے بارے میں ریکھا کو نہیں بتایا گیا۔ 15 سال کی ریکھا رومانٹک گانے کی شوٹنگ کے لئے سیٹ پر پہنچیں اور جیسے ہی ڈائریکٹر نے ایکشن بولا بسوجيت نے ریکھا کو اپنی بانہوں میں بھرا اور انہیں بوسہ دینے لگے۔ ریکھا کو اس کی معلومات پہلے سے بالکل نہیں تھی۔ بسوجيت 5 منٹ تک ریکھا کو بوسہ دیتے رہے۔ یونٹ کے لوگ خوش ہو رہے تھے، لیکن ریکھا کی آنکھوں میں آنسو بہنے لگے۔ (فلم اسٹل)۔

ریکھا ممتاز اور جتیندر کی دیوانی تھیں، جتیندر کی شوٹنگ دیکھنے کے لئے پولیس کے ڈنڈے بھی کھائے۔ (فلم اسٹل)۔

انیس سو تہتر میں یہ خبر آئی کہ ریکھا نے ونود مہرہ سے شادی کر لی۔ ریکھا کا افیئر تقریباً 3 سال تک چلا، لیکن ونود مہرہ کے والدین نے ریکھا کو اپنی بہو ماننے سے انکار کر دیا۔ بتایا جاتا ہے کہ ریکھا نے خودکشی کرنے کی کوشش بھی کی تھی۔ (فلم اسٹل)۔

انیس سو چھہتر میں فلم 'دو انجانے' میں پہلی بار ریکھا اور امیتابھ نے ایک ساتھ کام کیا۔ (فلم اسٹل)۔

کہا جاتا ہے کہ فلم 'مقدر کا سکندر' کے بعد سے ہی امیتابھ- ریکھا کے درمیان نزدیکیاں ہوئیں۔ (فلم اسٹل)۔)

فلم 'گنگا کی سوگندھ' کے سیٹ پر امیتابھ نے ریکھا کو پریشان کرنے والے ایک شخص کی پٹائی کر دی تھی۔ (فلم اسٹل)۔

انیس سو بیاسی میں نیتو اور رشی کی شادی میں پہلی بار سندور میں نظر آئیں، انہیں دیکھ کر چہ میگوئیاں ہونے لگیں کہ ریکھا نے شادی کس سے کی ہے۔ (تصویر: گیٹی امیجیز)۔

کئی میگزین میں شائع خبروں کے مطابق ریکھا اور امیتابھ کی قربتوں کی وجہ سے جیا انتہائی پریشان رہتی تھیں، یہاں تک کہ انہوں نے ریکھا کو انتباہ بھی دیا تھا۔

انیس سو بیاسی میں امیتابھ کو فلم کی شوٹنگ کے دوران چوٹ لگی تھی، خبروں کے مطابق جیا نے ریکھا کو امیتابھ سے ملنے نہیں دیا۔ (فلم اسٹل)۔

آج بھی ریکھا اور امیتابھ کبھی کسی پارٹی میں جاتے ہیں تو ایک دوسرے سے نظریں چراتے ہیں۔ (فلم اسٹل)۔