شاہ رخ خان کی واپسی نے رقم کردی تاریخ، فلم پٹھان نے سات دنوں میں کمالی اتنی بڑی رقم، توڑ ڈالا یہ بڑا ریکارڈ

ممبئی : بالی ووڈ سپر اسٹار شاہ رخ خان کی فلم 'پٹھان' کو ریلیز ہوئے سات دن ہوچکے ہیں۔ باکس آفس پر فلم پٹھان کا جلوہ ابھی تک برقرار ہے۔ فلم نے 25 جنوری کو ریلیز ہونے کے بعد سے صرف ایک ہفتے میں دنیا بھر میں 634 کروڑ روپے کما لیے ہیں۔ 'پٹھان' نے اپنے ساتویں دن ہندوستان میں 23 کروڑ روپے کی کمائی درج کی ہے ۔ ہندی میں 22 کروڑ روپے اور سبھی ڈب شدہ ورژنز میں 1 کروڑ روپے کا کلیکشن ہے ۔ وہیں ساتویں دن اوورسیز گراس 15 کروڑ روپے ہے۔ تصویر : Instagram@iamsrk

7 دنوں میں 'پٹھان' نے 29.27 ملین ڈالر یعنی 238.5 کروڑ روپے صرف اوورسیز میں کمائے ہیں، جب کہ ہندوستان میں کل کلیکشن 330.25 ہو گیا ہے۔

فلم نے اب تک ہندی ورزن سے 318.50 کروڑ روپے اور ڈب ورژن سے 11.75 کروڑ روپے کمائے ہیں۔ فلم پٹھان میں شاہ رخ خان اور دیپیکا پڈوکون کے علاوہ جان ابراہم بھی مرکزی کردار میں ہیں ۔

پٹھان فلم نے تابڑتوڑ کمائی کے ساتھ کئی ریکارڈز بھی قائم کئے ہیں۔ فلم پٹھان ایک ہفتے میں سب سے زیادہ کمائی کرنے والی فلم بن گئی ہے۔ پٹھان نے یہ ریکارڈ اپنے نام کر لیا ہے۔

شاہ رخ خان کا جادو ایک بار پھر شائقین کے سر چڑھ کر بول رہا ہے۔ فلم کی کامیابی سے پوری ٹیم خوش نہیں ہے۔ پٹھان کی ٹیم اپنی کامیابی کے بعد سے جشن منا رہی ہے ۔