شاہ رخ خان نے سب کے سامنے گال پر کیا کس، شرما گئے جان ابراہم ، کہا : 'پہلی مرتبہ......'

فلم پٹھان کی کامیابی کے بعد پیر کو شاہ رخ خان اور فلم کے دیگر ستاروں نے ممبئی میں ایک پریس کانفرنس کی ، جس میں کنگ خان بڑے ہی کول انداز میں نظر آئے اور اسی دوران انہوں نے جان ابراہم کے گال پر کس کیا ۔ تصویر : Twitter

نیوز ایجنسی اے این آئی کے مطابق اس پروگرام میں شاہ رخ خان کے علاوہ دیپیکا پڈوکون اور جان ابراہم بھی اسٹیج پر موجود تھے، جہاں سبھی میڈیا سے بات چیت کرتے نظر آئے ۔ اسی درمیان شاہ رخ نے جان ابراہم کے گال پر کس کیا ۔ تصویر: Twitter

پروگرام کے دوران جان جو جم کے کردار کو نبھانے کے اپنے تجربہ کو شیئر کررہے تھے، انہوں نے کہا کہ جم کول ہیں، تبھی پیچھے سے شاہ رخ خان آکر انہیں کس کرتے ہیں ۔ شاہ رخ نے کہا کہ میں نے کئی مرتبہ دیپیکا کو کس کیا اور یہ جان کے ساتھ پہلی مرتبہ ہوا ہے اور یہ الگ تھا ۔

اس کے بعد جان نے کہا : اتنا پیار، پہلی بار ، مجھے لگتا ہے کہ میں شرما رہا ہوں ۔ جان ابراہم نے شاہ رخ خان کے ساتھ اپنا تجربہ بھی شیئر کیا ۔

انہوں نے کہا کہ مجھے پہلی مرتبہ شاہ رخ کے ساتھ کام کرنے کا موقع ملا ہے ۔ مجھے نہیں لگتا کہ وہ اب ایک اداکار ہیں، وہ ایک جذبہ ہیں ۔

انہوں نے کہا کہ شاہ رخ خان کا چار سال بعد اس طرح واپس آنا بے مثال ہے ، پہلے مجھے ایسا لگتا تھا کہ میں ایک ایکشن ہیرو ہوں، لیکن اب مجھے لگتا ہے کہ شاہ رخ خان آج ملک کے نمبر ون ایکشن ہیرو ہیں ۔

پروگرام کے دوران شاہ رخ خان نے جان کو فلم کی ریڑھ بتایا اور ان کے کام کی تعریف کی ۔

بتادیں کہ پٹھان گھریلو اور اوورسیز باکس آفسز پر ریکارڈ توڑ کمائی کررہی ہے، کیونکہ اس نے صرف پانچ دنوں میں دنیا بھر میں 542 کروڑ روپے کی کمائی کرلی ہے ۔