فلم پٹھان پر پہلی مرتبہ شاہ رخ خان نے دیا بیان، جان ابراہم کو لے کر دی اپنی رائے، دیپیکا نے بھی کہی یہ بڑی بات

ممبئی : شاہ رخ خان کو یوں ہی بالی ووڈ کا بادشاہ نہیں کہا جاتا ہے ۔ چار سال کے بعد بڑے پردے پر شاہ رخ خان نے اپنی فلم پٹھان سے زبردست واپسی کرکے اس کو ثابت بھی کردیا ہے ۔ 25 جنوری کو ریلیز ہوئی پٹھان اپنی ریلیز کے پہلے دن سے ہی باکس آفس پر چھا چکی ہے اور صرف پانچ دنوں میں ہندوستان اور دنیا بھر میں 542 کروڑ روپے کی گراس کمائی کرچکی ہے ۔ تصویر: Twitter @ANI

اس درمیان شاہ رخ خان نے ممبئی میں ایک پریس کانفرنس کی ، جس میں پٹھان کی پوری ٹیم موجود تھی ۔ شاہ رخ خان پہلی مرتبہ فلم پٹھان کی کامیابی پر بولتے نظر آئے ۔

شاہ رخ خان نے کہا کہ سنیما، میڈیا سب نے بہت اچھے سے فلم کو سپورٹ کیا ۔ آپ سب کا بہت بہت شکریہ ۔ فلم پٹھان کی حمایت کرنے کیلئے ہم سبھی ناظرین اور میڈیا کے بہت شکرگزار ہیں ۔

انہوں نے مزید کہا کہ نیکسٹ ویک سے سب اپنے ٹیلی فون نمبر بھیج دینا ۔ جب فلم ہٹ نہیں ہوتی تب بھی اتنا پیار دیتے ہیں ۔ جب آپ کے ساتھ کچھ اچھا نہیں ہوتو ان کے پاس جاو جو آپ سے پیار کرتا ہے ۔ اگر میں غمزدہ ہوتا ہوں تو میں بالکنی میں جاتا ہوں ۔ خوش ہوتا ہوں تو بالکنی میں جاتا ہوں ۔

اس درمیان انہوں نے جان ابراہم کو لے کر بھی باتیں کیں ۔ انہوں نے کہا کہ میں نے کووڈ اپنے بچوں کے ساتھ گزارا ۔ ہمشیہ کہا جاتا ہے کہ ایک میان میں دو تلواریں نہیں رہ سکتیں ، میں نے سوچا جب مجھے جان ابراہم کے ساتھ کام کرنا تھا تو باڈی بھی ہونی چاہئے ۔

وہیں دیپیکا پڈوکون نے کہا کہ ایسا لگ رہا تھا جیسے کوئی تہوار ہے، جب آپ ایمانداری سے کام کرتے ہیں تو یہ پیار ملتا ہے تو ورتھ لگتا ہے ۔ شوٹنگ کے دوران ہم نے اچھا وقت گزارا ۔

اس دوران جان ابراہم نے کہا کہ شاہ رخ خان ایکٹر نہیں ہیں، اموشن ہیں ۔ دیپیکا کے ساتھ کام کرچکا ہوں ، لیکن ان کی گروتھ دیکھ کر مجھے بہت خوشی ہوتی ہے ۔ ٹیکنیکل ٹیم اور پروڈکشن ٹیم نے بہت محنت کی ہے ۔ میڈیا ٹیم کا بہت شکریہ اور ہم تینوں کے فینس کا شکریہ ۔ انہوں نے مزید کہا کہ شاہ رخ خان ہندوستان کے نمبر ون ایکشن ہیرو ہیں۔ یہ طویل عرصہ میں میری سب سے بڑی ہٹ ہوگی ۔