کانگریس میں شامل ہوئیں ارمیلا نے 9 سال چھوٹے کشمیری بوائے فرینڈ سے کی تھی شادی ، ایسی ہے لو لائف

بالی ووڈ میں "چھما چھما "اور "رنگیلا "گرل کے نام سے مشہور فلم اسٹار ارمیلا ماتونڈکر اب سیاسی اننگز شروع کرنے جارہی ہیں ۔ ارمیلا بدھ کو کانگریس میں شامل ہوگئیں ۔ ارمیلا نے دہلی میں کانگریس صدر راہل گاندھی سے ملاقات کرکے باضابطہ طور پر پارٹی کی رکنیت حاصل کی۔

لوک سبھا انتخابات 2019 میں کانگریس ارمیلا کو ممبئی شمالی سیٹ سے انتخابی میدان میں اتار سکتی ہے۔

ارمیلا کی یہ اننگز بھلے ہی نئی ہو ، لیکن انہوں نے اپنے فلمی کیریئر کی شروعات بطور چائلڈ آرٹسٹ مراٹھی فلم جھاکولا ( 1980) سے کی تھی۔

کلیوگ (1981) ان کی پہلی ہندی فلم تھی ۔ اس کے بعد ارمیلا کو فلم معصوم سے شناخت ملی ۔ ارمیلا ماتونڈکر طویل عرصہ سے فلموں سے دور ہیں۔

ارمیلا کی پیدائش چار فروری 1974 کو ممبئی میں ہوئی تھی ۔ 42 سالہ ارمیلا نے خود سے نو سال چھوٹے ماڈل اور تاجر بوائے فرینڈ محسن میر اختر سے شادی کی تھی ۔

ارمیلا کے شوہر محسن اختر میر کشمیر کے بڑے تاجر اور ماڈل ہیں ۔ ان کا کپڑوں کا کاروبار ہے۔

ارمیلا کی ذاتی زندگی پر نظر ڈالیں تو سال 2016 میں ارمیلا نے ایک نجی تقریب میں شادی کرکے سب کو حیران کردیا تھا ۔

ارمیلا 90 کی دہائی کی کامیاب اداکاراوں میں شمار کی جاتی ہیں ۔ انہوں نے بالی ووڈ میں ایک لمبا سفر طے کیا ہے ۔ اب ان کا سیاسی سفر شروع ہورہا ہے۔