کٹرینہ کیف اور وکی کوشل کو جان سے مارنے کی دھمکی دینے کے الزام میں گرفتار، ممبئی پولیس نے کی کارروائی

Vicky Kaushal Katrina kaif death threrat: کٹرینہ کیف اور وکی کوشل کو مبینہ طور پر جان سے مارنے کی دھمکیاں موصول ہوئی ہیں۔ ممبئی پولیس (Mumbai Police) نے اس معاملے میں پہلے نامعلوم شخص کے خلاف مقدمہ درج کیا تھا۔ تاہم معاملے کی تحقیقات کے بعد ممبئی پولیس نے ملزم کی شناخت کر کے اسے گرفتار کر لیا ہے۔

وکی اور کٹرینہ کو مبینہ طور پر سوشل میڈیا کے ذریعے جان سے مارنے کی دھمکیاں ملی تھیں۔ شکایت کے بعد پولیس نے مقدمہ درج کر کے تفتیش شروع کر دی ہے۔

وکی اور کٹرینہ کو مبینہ طور پر سوشل میڈیا کے ذریعے جان سے مارنے کی دھمکیاں ملی تھیں۔ شکایت کے بعد پولیس نے مقدمہ درج کر کے تفتیش شروع کر دی ہے۔

ممبئی پولیس کی سائبر برانچ نے ملزم کی شناخت کر لی تھی۔ ملزم کٹرینہ کیف کو سوشل میڈیا پر اسٹاک کرتا تھا اور ان کی پوسٹس پر فحش تبصرے لکھتا تھا۔

پولیس نے ملزمان کے خلاف تعزیرات ہند کی دفعہ 506 (2) (دھمکی) اور 354 (ڈی) (عورت کی توہین) کے تحت مقدمہ درج کیا ہے۔ پولیس نے ملزم کے خلاف آئی ٹی ایکٹ 67 (فحش تصاویر، ویڈیوز اور تبصروں کی پوسٹنگ) کے تحت مقدمہ بھی درج کیا ہے۔

ممبئی پولیس کا کہنا ہے کہ ملزم کٹرینہ کیف کو انسٹاگرام پر اسٹاک کر رہا تھا اور اس نے اداکارہ کو انسٹاگرام پر ہی دھمکی آمیز پیغام بھیجا تھا۔ یہ شکایت وکی کوشل نے درج کرائی تھی۔ اپنی شکایت میں وکی نے کہا تھا کہ ملزم ان کی بیوی کو اسٹاک کرتا تھا اور دھمکیاں دیتا تھا۔