ریگل سنیما ہال میں اسکریننگ کیلئے پہنچی زینت امان کی نکلی چیخ، بوکھلا گئے تھے ششی کپور، جانئے پورا ماجرا

ممبئی: زینت امان کا شمار 70 کی دہائی پر راج کرنے والی خوبصورت اداکاراؤں میں ہوتا ہے۔ اس زمانے جب زیادہ تر اداکارائیں صرف سوٹ اور ساڑھی میں ہی نظر آتی تھیں، ایسے میں تب زینت سلور اسکرین پر بکنی میں نظر آئیں تو مداح اس اداکارہ کی ایک جھلک دیکھنے کے لیے بے تاب ہوگئے تھے۔

ان دنوں بہت سی فلموں کی پروموشن اور اسکریننگ کے لیے ہیرو اور ہیروئن سینما گھروں میں پہنچتے تھے، کیونکہ آج کی طرح سوشل میڈیا کا دور نہیں تھا۔ ششی کپور اور زینت کی فلم 'ستیم شیوم سندرم' کی کافی چرچا ہوئی تھی۔ اس فلم کی اسکریننگ کے دوران بھی کچھ ایسا ہوا، جس کی وجہ سے زینت کافی گبھرا گئی تھیں۔

یہ 1978 کی بات ہے، یہ زینت امان اور ششی کپور اسٹارر فلم 'ستیم شیوم سندرم' کی رلیز کا وقت تھا۔ دہلی کے کناٹ پلیس کا مشہور سنیما ہال ریگل ہوا کرتا تھا۔ اس تھیئٹر میں اکثر مشہور فلمیں دکھائی جاتی تھیں اور اداکار آتے رہتے تھے۔ ششی اور زینت جب 'ستیم شیوم سندرم' کے لیے سنیما گھر پہنچے تو پھولوں کی پتیاں نچھاور کر کے ان کا استقبال کیا گیا۔ کافی ہجوم تھا، ہر کوئی فلم کی ہیروئن کو قریب سے دیکھنے کے لیے بے تاب تھا۔

زینت امان کو کسی نے کاٹ لی تھی چکوٹی۔
میڈیا رپورٹس کے مطابق اس پرہجوم موقع پر کسی شرارتی شخص نے زینت کو چکوٹی کاٹ لی تھی۔ زینت امان ایسی حرکت سے درد سے تڑہ گئیں اور روتے ہوئے چیخ پڑیں۔ پیچھے مڑ کر جیسے ہی انہوں نے بدتمیزی کرنے والے شخس دیکھنا چاہا تو وہ شخص وہاں سے غائب ہو گیا تھا۔ زینت کی چیخ سن کر ششی کپور کو سمجھ آگیا اور غصے میں انہوں نے بھیڑ میں موجود لوگوں کو دھمکی دی کہ 'قابو میں رہو ورنہ ہم اب واپس لوٹ جائیں گے'۔

بالی ووڈ میں زینت امان کو ایسی اداکارہ کے طور پر شمار کیا جاتا ہے جنہوں نے اپنے خاص انداز سے روایتی طور پرچلنے والے مرکزی دھارے کے سنیما میں تبدیلی کا آغاز کیا اور اداکاراؤں کو مخصوص شناخت دلائی۔ زینت امان کی پیدائش 19 نومبر 1951 کو جرمنی میں ہوئی۔ ان کے والد امان اللہ نے’’ مغل اعظم اور پاکیزہ ‘‘جیسی سپر ہٹ فلموں میں بطور مصنف کام کیا تھا۔ لیکن محض 13 سال کی عمر میں زینت کے سر سے باپ کا سایہ اٹھ گیا۔ تب ان کی ماں انہیں جرمنی لے کر چلی گئیں۔ لیکن تقریباً پانچ سال تک جرمنی میں رہنے کے بعد محض 18 سال کی زینت ممبئی آ گئیں۔

ممبئی آنے کے بعد زینت نے سینٹ زیویئرکالج سے گریجویشن کی تعلیم مکمل کی اور آگے کی تعلیم کے لئے امریکہ کے مشہور کالج کیلیفورنیا یونیورسٹی چلی گئیں۔ زینت نے اپنے کریئر کا آغاز مشہور میگزین’’فیمنا‘‘ سے بطور صحافی کیا لیکن جلد ہی ان کی دلچسپی اس سے ختم ہوگئی اور وہ ماڈلنگ کے میدان میں آگئیں۔

اس کے بعد زینت امان نے مس انڈیا مقابلہ میں حصہ لیا جس میں وہ دوسری رنر اپ رہیں اور بعد میں انہوں نے مس انڈیا پیسفک کا خطاب جیتا۔ زینت امان نے اپنے فلمی کریئر کا آغاز انیس سو اکہتر میں او پی رلہن کی فلم ’’هلچل‘‘ سے کیا۔

انیس سو اکہتر ہی میں انہیں ایک بار پھر اور پی رلہن کے ساتھ فلم ہنگامہ میں کام کرنے کا موقع ملا۔ بدقسمتی سے یہ دونوں فلمیں باکس آفس پر ناکام ثابت ہوئیں۔ زینت امان کو ابتدائی کامیابی سال 1971میں ریلیز ہوئی فلم’’ هرے رامہ ہرے کرشنا‘‘ سے ملی۔ اس فلم میں زینت امان نے دیو آنند کی بہن کا کردار اداکیاتھا۔ فلم میں بااثر اداکاری کے لیے زینت امان کو بہترین معاون اداکارہ کا ایوارڈ بھی ملا۔

زینت امان کی اداکاری کا ستارہ فلم سازاور ہدایت کارناصر حسین کی 1973 میں آئی فلم يادو ں کی بارات .. سے چمکا۔ بہترین نغمے،موسیقی اور اداکاری والی اس فلم کی کامیابی نے زینت امان کو کامیاب اداکارہ کے طور پر قائم کر دیا۔فلم میں ان پر فلمایا گیانغمہ ’’چرا لیا ہے تم نے جو دل کو ‘‘ آج بھی سامعین کو مسحور کر دیتا ہے۔

انیس سو اٹہتر میں زینت امان کو عظیم شو مین راج کپور کی فلم ستيم شوم سندرم میں کام کرنے کا موقع ملا۔ فلم کے کچھ مناظر میں زینت امان کے بے باک انداز کی وجہ سے ان کی کافی تنقید بھی ہوئی۔ یوں تو فلم باکس آفس پر ناکام ثابت ہوئی لیکن ناظرین کا خیال ہے کہ بطور اداکارہ زینت امان کے فلمی کریئر کی یہ سب سے بہترین فلم ہے۔

انیس سو اٹہتر میں ہی ریلیز ہوئی فلم ڈان زینت امان کے کریئر کے لئے دیگر اہم فلم ثابت ہوئی۔ اس فلم میں زینت امان نے اپنی بے باک تصویر میں تبدیلی کرتے ہوئے پہلی بار ایکشن سے بھرپور کردار ادا کیا۔ زینت امان کے لیے یہ کردار کافی چیلنج بھرا تھا لیکن انہوں نے اپنی زبردست اداکاری سے نہ صرف بہترین اداکاری کی ساتھ ہی مستقبل کی نسل کی اداکاراؤں کیلئے اسے مثال کے طور پر پیش کیا۔