تین دنوں تک گھر میں سڑتی رہی تھی اس مشہور اداکارہ کی لاش ، ایسے گزرے تھے ان 13 ایکٹرس کے آخری ایام

بالی ووڈ کے کئی مشہور چہروں کے آخری ایام کافی خراب حالات میں گزرے ۔ پیسوں کی کمی اور تنہائی کی وجہ سے انہوں نے اتنے برے آخری ایام گزارے جو انہوں نے اپنی پوری زندگی میں کبھی نہیں دیکھے تھے ۔ آئیے ہم آپ کو بتاتے ہیں ایسے کچھ ایکٹرس کے بارے میں جنہوں نے اپنی زندگی کے آخری ایام میں کافی تکالیف برداشت کیں ۔ (تصویر : سوشل میڈیا) ۔

پروین بابی : اپنے وقت کی مشہور اداکارہ پروین بابی کی موت کافی دردناک تھی ۔ ڈائریکٹر مہیش بھٹ کے مطابق پروین بابی کو پیرانائیڈ اسکتزوفرینیو بیماری ہوگئی تھی ۔ اس بیماری سے وہ کبھی شفایاب نہیں ہوسکیں ۔ 20 جنوری 2005 کو انہوں نے تنہا گھر میں دم توڑا تھا ۔ تین دن تک ان کی لاش گھر میں سڑتی رہی تھی ۔ (تصویر : سوشل میڈیا) ۔

ویممی : سنیل دت کی فلم ہمراز سے اپنے اداکاری کریئر کی شروعات کرنے والی ویممی ، فلم کی کامیابی کے بعد اسٹار بن گئی تھیں ۔ مگر بڑھتے قرض ، بگڑتی فیملی لائف اور قرض کے بوجھ کی وجہ سے ان کا کریئر خراب ہوتا چلا گیا ۔ لیور کی بیماری ی وجہ سے 22 اگست 1977 کو ویممی کی موت ہوگئی ۔ ویممی کی لاش کو ٹھیلے پر رکھ کر شمشان گھاٹ لے جانا پڑا تھا ۔ (تصویر : سوشل میڈیا) ۔

اے کے ہنگل : لیجنڈ اداکار اے کے ہنگل کی زندگی کے آخری ایام بھی تنگ دستی میں گزرے ۔ اپنی زندگی کے آخری ایام میں انہوں نے ایک خستہ حال گھر میں گزارے تھے ۔ 26 اگست 2012 کو ان کی موت ہوگئی تھی ۔ (تصویر : سوشل میڈیا) ۔

گیتا کپور : اداکارہ گیتا کپور نے پاکیزہ جیسی فلموں میں اداکاری کیا تھا ۔ آخری وقت میں ان کے بچوں نے ان کی خبر نہیں لی ۔ تکلیف میں ہی ان کی زندگی کا اختتام ہوا ۔ ان کی موت 26 مئی 2018 کو ہوئی تھی ۔ (تصویر : سوشل میڈیا) ۔

سیتارام پنچال : کئی بڑی فلموں میں چھوٹے ، مگر یادگار کردار ادا کرچکے سیتارام پنچال کی موت اگست 2017 میں ہوئی تھی ۔ سیتارام کو کڈنی اور زبان کا کینسر تھا ، مگر اس کا علاج کرانے کیلئے ان کے پاس پیسے نہیں تھے ۔ (تصویر : سوشل میڈیا) ۔

اچلا سچدیوا : اچلا سچدیوا نے دل والے دلہنیا لے جائیں گے فلم میں کاجول کی دادی کا کردار ادا کیا تھا ۔ 2012 میں پونے کے ایک اسپتال میں ان کا انتقال ہوا تھا ۔ یو ایس میں رہ رہے ان کے بیٹے نے ان کی خبر نہیں لی تھی ۔ (تصویر : سوشل میڈیا) ۔

بھگوان دادا : بالی ووڈ کے لیجنڈ اداکار اور ڈائریکٹر بھگوان دادا کو کافی کامیابی حاصل ہوئی ۔ ایک وقت ایسا تھا جب جوہو میں ان کا 25 کمروں کا بنگلہ تھا ۔ ان کے پاس کئی گاڑیاں تھیں ، مگر کریئر میں ایسی تنزلی آئی کہ انہیں دادر کے دو کمرے والی چال میں رہنا پڑا تھا ۔ 2002 میں ان کا انتقال ہوگیا تھا ۔ (تصویر : سوشل میڈیا) ۔

مینا کماری : مشہور اداکارہ مینا کماری کی زندگی کا اختتام بھی کافی تکلیف میں ہوا تھا ۔ زندگی کے آخری ایام میں وہ معاشی تنگی کا شکار ہوگئی تھیں ۔ 1972 میں صرف 38 سال کی عمر میں مینا کماری کی موت ہوگئی تھی ۔(تصویر : سوشل میڈیا) ۔

شری ولبھ ویاس : لگان کے ایشور کاکا تو آپ کو یاد ہوں گے ؟ شری ولبھ ویاس کی موت 2017 میں ہوئی تھی ۔ 2008 میں ایک حادثہ کے بعد ان کے سر کا آپریشن ہوا ، جس کے بعد انہیں کافی تکلفیوں کا سامنا کرنا پڑا ۔ ان کی اہلیہ نے کہا تھا کہ سنیما اور ٹیلی ویزن ایسوسی ایشن نے بھی ان کی کوئی مدد نہیں کی تھی ۔ (تصویر : سوشل میڈیا) ۔

نلینی جئے ونت : کالا پانی ، راہی اور شکست جیسی فلموں میں اداکاری کرنے والی نلینی جئے ونت کی موت دسمبر 2010 میں ہوئی تھی ۔ زندگی کے آخری ایام میں اداکارہ کے پاس اپنے اسپتال کا بل بھرنے کے بھی پیسے نہیں تھے ۔ (تصویر : سوشل میڈیا) ۔

بھارت بھوشن : پرانے وقت کے لیجنڈ اداکار بھارت بھوشن کے آخری ایام کافی خراب گزرے ۔ قرض کے بوجھ نے انہیں دبا رکھا تھا ۔ 27 جنوری 1992 کو ان کا انتقال ہوگیا تھا ۔ (تصویر : سوشل میڈیا) ۔

مہیش آنند : کئی سپرہٹ فلموں میں منفی کردار ادا کرنے والے مہیش آنند کی موت فروری 2019 کو ہوئی تھی ۔ موت کے دو دن بعد ان کی لاش فلیٹ سے برآمد ہوئی تھی ۔ وہ طویل عرصہ تک کام سے دور تھے ۔ (تصویر : سوشل میڈیا) ۔

اندر کمار : 28 جولائی 2017 کو اندر کمار کی موت دل کا دورہ پڑنے سے ہوئی تھی ۔ اداکار کی موت کے بعد ان کی اہلیہ نے بتایا کہ وہ معاشی تنگی سے گزر رہے تھے ۔ انہوں نے انڈسٹری کے کئی لوگوں سے مدد کی فریاد بھی کی تھی ۔ (تصویر : سوشل میڈیا) ۔