international womens day: ہیرو سے بھی زیادہ ہے ان اداکاراؤں کی فیس، اپنے دم پر ہٹ کراتی ہیں فلمیں

international womens day: آج یعنی 8 مارچ کو عالمی یوم خواتین ہے۔ بالی ووڈ کی بات کریں تو ایک دور تھا جب اداکاراؤں کو فلموں میں نہ تو صحیح کردار ملتا تھا، نہ مناسب پہچان اور فیس کے معاملہ میں بھی اداکارہ کافی پیچھے ہوتی تھیں۔ لیکن اب دور بدل رہا ہے۔ جہاں ایک جانب انہیں کردار کے مطابق پہچان مل رہی ہے تو وہیں دوسری جانب اپنے کام کے لحاظ سے فیس بھی۔ کئی فلموں میں اداکار سے زیادہ اداکارہ فیس حاصل کر چکی ہیں۔ تو چلئے آپ کو آگے بتاتے ہیں بالی ووڈ میں سب سے زیادہ فیس پانے والی اداکاراؤں کے بارے میں۔

دیپیکا پاڈوکون: اس فہرست میں سب سے اوپر ہیں دیپیکا پاڈوکون۔ انہوں نے فلم ’پدماوت‘ کے لئے 14 سے 16 کروڑ کی فیس کے طور پر چارج کئے ہیں۔ یہ فیس فلم کے دیگر اداکار سے کافی زیادہ تھی۔

کنگنا رانوت: وہیں کنگنا رانوت ہر فلم کے لئے 11 سے 12 کروڑ کی فیس لیتی ہیں۔ انہوں نے ’منی کرنیکا‘ کے لئے ڈائریکشن بھی کیا اور بتایا جاتا ہے کہ فلم کے منافعے میں بھی ان کا حصہ رہا۔

پرینکا چوپڑا: عالمی سپراسٹار بن چکی پرینکا چوپڑا حال ہی میں ایک شو میں 1 منٹ کے لئے 1 کروڑ چارج کرنے کے لئے خبروں میں رہی تھیں۔ وہ ہر فلم کے لئے 9 سے 10 کروڑ چارج کرتی ہیں۔

کرینہ کپور خان: کرینہ کپور صرف فلم ہی نہیں بلکہ اشتہارات اور انڈوسمینٹ کو لے کر بھی خبروں میں رہتی ہیں۔ وہ اپنے پروجیکٹس کے لئے 8 سے 9 کروڑ تک چارج کرتی ہیں۔

ودیا بالن: وہیں ودیا بالن اپنی فلم کے لئے 7 سے 8 کروڑ تک چارج کرتی ہیں۔ ان کا شمار بالی ووڈ کی ان اداکاراؤں میں سے ہوتا ہے جو خود کے دم پر فلم سپر ہٹ کروا سکتی ہیں۔

بے حد ہی ٹیلنٹیڈ اداکارہ ودیا بالن کو اکثر ان کے وزن کو لے کر ٹرول کیا جاتا ہے۔ ودیا بالن نے اپنے ایک انٹرویو میں کہی تھی کہ شروعات میں ایسے کمنٹس سے وہ پریشان ہوجاتی تھیں، مگر اب وہ ان باتوں پر دھیان نہیں دیتی ہیں۔ (تصویر کریڈٹ:Instagram /@vidyabalan)

کٹرینہ کیف: اس کے لئے علاوہ اداکارہ کٹرینہ کیف بھی اپنی فلم کے لئے 6 سے 7 کروڑ تک لیتی ہیں۔ وہیں بتایا یہ بھی جاتا ہے کہ فلم ’بھارت‘ میں پرینکا چوپڑا کو رپلیس کرنے کے لئے بعد سلمان نے کٹرینہ کو پرینکا کے برابر کی فیس دلوائی ہے۔

انوشکا شرما: انوشکا شرما فلم کے لئے 5 سے 6 کروڑ لیتی ہیں۔ وہ اپنا پروڈکشن ہاوس بھی چلاتی ہیں اور ’نوش‘ نام سے ان کی کلودنگ لائن بھی زبردست پسند کی جا رہی ہے۔

عالمی یوم خواتین کے موقع پر ہر طرف خواتین اور ان کے کردار کے بارے میں بحث عام بات ہے۔ بالی ووڈ میں بھی کئی دہائیوں سے خواتین نے اپنے طور پر اپنی شناخت بنائی ہے ، پھر خواہ وہ سنیما سے وابستہ کوئی بھی پہلو کیوں نہ رہا ہو۔

آئیے ہم آپ کو بتاتے ہیں ایسی ہی 10 بالی ووڈ سے وابستہ خواتین کے بارے میں ، جنہوں نے اپنی الگ شناخت قائم کی ہے۔

پرینکا چوپڑا : سال 2000 میں مس ورلڈ رہ چکی اداکارہ پرینکا چوپڑا نہ صرف بالی ووڈ کی ایک کامیاب اداکارہ ہیں ، بلکہ اب وہ ہالی وڈ میں بھی مقبول ہو چکی ہیں۔ امریکہ کے ٹی وی شو كوانٹكو میں ان کے رول کو پوری دنیا نے پسند کیا۔

انوشکا شرما : سال 2008 میں شاہ رخ خان کے ساتھ اپنے فلمی کیریئر کی شروعات کرنے والی انوشکا شرما ایک کامیاب اداکارہ تو بنی ہی، ساتھ ہی ساتھ وہ ایک کامیاب فلمساز بھی بن گئی ہیں۔ انوشکا کے بینر تلے بنی فلم 'این ایچ 10' کے ہٹ ہونے کے بعد انوشکا کے پروڈکشن کی دوسری فلم فلوری بھی رلیز کی تھی۔

انوشکا نے بطور پروڈیوسر ایمیزون پرائم کی سیریز پتال لوک بھی ریلیز کی جسکی سوشل میڈیا پر خوب تعریف ہوئی۔

وراٹ کوہلی کی بیوی انوشکا شرما ایک فلم اداکارہ اور فلم پروڈیوسر ہین۔ انوشکا نے ہندی فلموں سے اپنی اداکاری کا آغاز کیا اور مشہور ترین اور سب سے زیادہ کمائی کرنے والی اداکاروں میں سے ایک ہیں۔ انوشکا کو کئی فلمی اعزازات مل چکے ہیں، بشمول ایک عدد فلم فیئر اعزاز کے، فلم فیئر اعزازا کے لیے انوشکا سات بار نامزد ہوچکی ہیں انوشکا کی پیدائش ایودھیا میں ہوئی، لیکن اب وہ بنگلور میں رہتی ہے۔ انوشکا نے 2007ء میں فیشن ڈیزائنر وینڈیل روڈریکس کے لیے اپنی پہلی ماڈلنگ کی تھی اور بعد میں مستقل طور پر ماڈلنگ کو بطور پیشہ اپنانے کے لیے ممبئی شفٹ ہو گئیں۔

انوشکا اب ایک بچے کی ماں بھی بن چکی ہیں۔ بالی ووڈ کی مشہور اداکارہ انوشکا شرما (Anushka Sharma) اور ہندستانی کرکٹ ٹیم کے کپتان وراٹ کوہلی (Virat Kohli) کی بیٹی وامیکا کوہلی (Vamika Kohli) کی ایک جھلک دیکھنے کے لیے ان کے مداح بے چین ہیں۔ وہیں مہاشٹمی کے سنہرے موقع پر انوشکا نے اپنی بیٹی وامیکا کی ایک تصویر شیئر کی ہے جسے ان کے فینسبہت پسند کر ر ہے ہیں۔ ماں اور بیٹی کی یہ تصویر بہت پیاری ہے۔ اس تصویر میں انوشکا اپنی بیٹی پر پیار لٹاتی نظر آرہی ہیں لیکن ایک بار پھر وامیکا کا چہرہ انوشکا نے ہر بات کی طرح چھپایا ہوا ہے کیونکہ وامیکا کی یہ تصویر پیچھے سے لی گئی ہے۔

دیپکا پڈوکون : انوشکا کی طرح شاہ رخ کے ساتھ اپنے کیریئر کی شروعات کرنے والی اداکارہ دیپکا پڈوکون کو 'اوم شانتی اوم کی کامیابی نے راتوں رات اسٹار بنا دیا۔ لیکن کئی ہٹ فلمیں دینے اور میگاسٹار بن جانے کے بعد دیپکا کی زندگی میں ایک وقت ایسا بھی آیا ، جب وہ ڈپریشن کا شکار ہو گئی تھیں۔ لیکن اب وہ ایک خوشحال زبدگی جی رہی ہیں۔

دیپکا پاڈوکون اور رنبیر کپور بالی وڈ کی ایک ایسی جوڑی ہے جس نے اپنے ماضی کو بھلا کر ایک دوسرے کے ساتھ بطور پروفیشنل کام کرنے کا کامیاب فیصلہ کیا۔

حالانکہ ان دونوں کے مداح انھیں ساتھ دیکھنا چاہتے ہیں لیکن دیپکا اور رنبیر نے بریک اپ کے بعد 'تماشا' اور 'یہ جوانی ہے دیوانی' کے بعد کوئی فلم نہیں کی۔

دیپکا اصل زندگی میں آگے بڑھ چکی ہیں اور ان کی زندگی میں رنویر سنگھ نے جگہ لے لی ہے۔ دیپکا نے رنویرسنگھ سے شادی کے بعد بالی ووڈ کی مشہور جوڑیوں میں خاص جگہ بنالی ہے۔

کنگنا رنوت : کنگنا رنوت اب بالی ووڈ کی دبنگ اداکارہ بن چکی ہیں۔ وہ نہ کسی شکایت کو کرنے سے ڈرتی ہیں اور نہ ہی کسی بات کو کہنے سے۔ وہ بالی ووڈ میں پھیلے کنبہ پروری پر بھی آواز اٹھاتی ہیں اور خان ستاروں کے ساتھ کام نہ کرنے کا بھی انہیں کوئی ملال نہیں۔ انہوں نے فلم رنگون میں بھی اسی شرط پر کام کیا تھا کہ ان کو میل کو اسٹار سے زیادہ پیسہ دیے جائیں۔

زویا اختر : جاوید اختر کے صاحبزادے فرحان اختر تو ایک کامیاب اداکار ہیں ہی ، لیکن ان کی بیٹی زویا بھی کچھ کم نہیں ہیں۔

ایکتا کپور : ٹی وی کوئین کے نام سے مشہور ایکتا کپور کے سیریل ہر گھر میں پسند کئے جاتے ہیں۔ کئی ٹی وی شوز اور فلموں کو پروڈیوس کر چکی ایکتا کا 'ہم پانچ سے شروع ہوا سفر آج بھی جاری ہے۔

انوتا دت گپتن : کیمرے کے آگے اور پیچھے تو خواتین کو اکثر کردار ادا مل جاتا ہے، لیکن اس دائرے سے باہر انوتا دت ا سکرپٹ رائٹر اور ڈائیلاگ رائٹر بھی ہیں۔

اسنہا كھنولكر:بالی ووڈ کی تاریخ میں خواتین موسیقار ڈھونڈنے سے بھی نہیں ملتیں، لیکن میوزک ڈائریکٹر اسنہا كھنولكر نے اس خلیجکو اپنے موسیقی سے پاٹ دیا ہے۔

گیتا ٹنڈن :ایکشن سین کو انجام دینے کے لئے عام طور پر اسٹینٹ مین کا استعمال کیا جاتا ہے لیکن اسٹینٹ وومین صرف کچھ ایک ہیں۔ عالیہ بھٹ سے لے کر کٹرینہ کیف جیسی بالی وڈ کی سینکڑوں اداکاراوں کی باڈی ڈبل بن چکیں گیتا فلموں میں انتہائی خطرناک اور جان لیوا کرتب کرتی ہیں۔

چارو کھورانہ ـ: دہلی کی چارو کھورانہ ایک ایسی میک اپ آرٹسٹ ہیں، جس نے فلمی دنیا میں خواتین کے ساتھ ہونے والے امتیازی سلوک کے خلاف آواز اٹھائی۔