مصیبت سے بچنے کیلئے ٹیچر کے ساتھ یہ کام کرتی تھیںJhanvi Kapoor، کرن جوہر کے سامنے کھولا راز

Koffee With Karan7: سارہ علی خان (Sara Ali Khan) اور جھانوی کپور (Janhvi Kapoor) نے 'کافی ود کرن سیزن 7' میں شامل ہونے کے بعد ایک بار پھر ثابت کر دیا کہ دونوں بہترین دوست ہیں۔

دونوں نے شو میں اپنی ذاتی اور پیشہ ورانہ زندگی کے بارے میں جس طرح کھل کر بات کی اور فلم انڈسٹری کے بارے میں گپ شپ دیکھ کر شائقین واقعی خوش ہیں۔ شو میں جوڑی نے ہیمپر کو جیتنے کے لیے ایک تفریحی ریپڈ فائر راؤنڈ بھی کھیلا اور راؤنڈ کے دوران بہت سی دلچسپ چیزیں شیئر کرکے سامعین کا دن بنا دیا۔

شو 'کافی ود کرن سیزن 7' میں سارہ اور جھانوی کی دوستی کو دیکھ کر کرن نے یہاں تک کہا کہ میں نہیں جانتا کہ آپ لوگوں کی دوستی کس سطح پر ہے لیکن جہاں تک مجھے معلوم ہے آپ دونوں نے ایک دوسرے کے بھائی کو ڈیٹ کیا ہے۔

کرن کی یہ باتیں سن کر دونوں پہلے چونک جاتی ہیں اور بعد میں دوبارہ ہنسنے لگتی ہیں۔ اس کے بعد سار ہ کہتی ہیں کیا ایسا ہوا تھا؟ تو جھانوی نے کہا کہ ایسا کبھی نہیں ہوا۔

کافی بنگو گیم بہت دلچسپ رہا ۔
کافی بنگو گیم سارہ جھانوی کے لیے بھی بہت دلچسپ رہا ہے۔ گیم کھیلتے ہوئے، جھانوی نے انکشاف کیا کہ اس کی ٹیچر نے اس کے اسکول کے دنوں میں اسے پسند کیا تھا۔ تاہم، انہوں نے بتایا کہ وہ اس ٹیچر کا نام بھول گئی ہیں۔ لیکن استاد کی شکل کو یاد کرتے ہوئے وہ کہتی ہیں، 'وہ تھوڑا گنجے اور پیٹو تھے، لیکن بہت پیارے تھے۔ جب میں حاضری یا کسی اور پریشانی سے بچنے کے لیے ان سے فلرٹ کر لیا کرتی تھی۔

جھانوی 'گڈ لک جیری' میں نظر آئیں گی
اب کام کی بات کریں تو جھانوی کپور کی فلم 'گڈ لک جیری' رلیز ہونے کے لیے تیار ہے۔ فلم کا ٹریلر جاری کر دیا گیا ہے جسے لوگوں کو دلچسپ لگا۔ بتادیں کہ ہدایت کار سدھارتھ سین گپتا کی اس فلم کو آنند ایل رائے پروڈیوس کررہے ہیں۔ جھانوی کی فلم 29 جولائی کو سنیما ہالز کے بجائے براہ راست OTT پلیٹ فارم ڈزنی پلس ہاٹ اسٹار پر رلیز ہوگی۔