جانئے کون ہیں سنجنا گنیشن ، جس کی تیز گیند باز جسپریت بمراہ کی دلہن بننے کی ہے چرچا؟

ٹیم انڈیا کے اسٹار گیند باز جسپریت بمراہ جلد ہی شادی کرنے والے ہیں ۔ میڈیا رپورٹس کی مانیں تو جسپریت بمراہ نے شادی کیلئے ہی ٹیم انڈیا سے چھٹی لی ہے ۔ خبریں یہ بھی ہیں وہ گوا میں شادی کرنے والے ہیں ۔ حالانکہ اب تک پتہ نہیں ہے کہ وہ شادی کس لڑکی سے کرنے والے ہیں ۔ بمراہ کی دلہن کون بنیں گی ؟ اس کو لے کر سوشل میڈیا پر کافی قیاس آرائی کی جارہی ہے ۔ سوشل میڈیا پر خبریں گردش کررہی ہیں کہ بمراہ ساوتھ کی اداکارہ انوپما پرمیشورن سے شادی کرنے والے ہیں ۔ لیکن اب ایک اسپورٹس اینکر کو ان کی ہونے والی دلہن بتایا جارہا ہے ۔ (PIC: AP)

یہ اسپورٹس اینکر کوئی اور نہیں بلکہ سنجنا گنیشن ہیں جو کہ آئی سی سی ورلڈ کپ 2019 سے لے کر انڈین پریمیئر لیگ تک ہوسٹ کرچکی ہیں ۔ سنجنا کولکاتہ نائٹ رائیڈرس کی اینکر بھی رہ چکی ہیں ۔

سنجنا پونے کی مشہور یونیورسٹی سے انجینئرنگ کی ڈگری حاصل کرچکی ہیں ۔ اس کے بعد انہوں نے ماڈلنگ میں ہاتھ آزمایا اور سال 2014 میں وہ مس انڈیا کے فائنل تک پہنچیں ۔

سنجنا گنیشن نے سال 2013 میں فیمینا گارجیس کا خطاب جیتا ۔ ویسے انہوں نے ایم ٹی وی کے ریئلٹی شو اسپلٹس ولا سے ٹی وی پر اپنا ڈیبیو کیا تھا ۔

سنجنا گنیشن کی عمر 28 سال ہے اور ان کا قد پانچ فٹ پانچ انچ ہے ۔ سنجنا کافی فٹ ہیں اور یوگا اور جم میں زیادہ وقت گزارتی ہیں ۔