بالی ووڈ اداکارہ کنگنا کے اس انداز سے متاثر ہوئے چندی گڑھ کے باشندے

ہماچل پردیش کے منڈی سے تعلق رکھنے والی اور بالی ووڈ اداکارہ کنگنا رنوت ایک نجی پروگرام کے تحت چندی گڑھ پہنچیں۔ اس موقع پر وہ میڈیا سے بچتے ہوئے دکھائی دیں۔ وہیں باتوں باتوں میں یہ ضرور بتایا کہ چندی گڑھ کو وہ ہمیشہ سے ہی پسند کرتی ہیں۔ آپ کو بتا دیں کہ بالی ووڈ میں فلم کوین، تنو ویڈس منو میں موثر رول ادا کرنے کے بعد جلد ہی سلور اسکرین پر وہ فلم رنگون میں نظر آنے والی ہیں۔

کنگنا چندی گڑھ کے ڈی اے وی اسکول سے پڑھی ہیں۔ چندی گڑھ کے بعد کنگنا دہلی شفٹ ہو گئی تھیں۔

کنگنا نے بتایا کہ وہ جب چندی گڑھ میں تھیں تو وہ شاپنگ کے لئے سیکٹر -17 آتی تھیں۔ ان کے والدین جب بھی آتے تھے تب بھی وہ ان کے ساتھ یہیں آتے تھے۔

کنگنا نے کہا کہ چندی گڑھ سے ان کا پرانا ناطہ ہے اور انہیں چندی گڑھ سے خاصا پیار ہے۔

کنگنا کو دیکھنے کے لئے لوگوں کا بھاری ہجوم پہنچا تھا اور ان کے ساتھ سیلفی لینے والوں کی دیوانگی بھی دیکھنے کے لائق تھی۔