بعد نماز عصر ممبئی کے جوہو قبرستان میں ہوگی دلیپ کمار کی تدفین

کئی دہائیوں تک بڑی اسکرین پر راج کرنے والے اداکار دلیپ کمار (محمد یوسف خان) Muhammed Yusuf Khan آج ہمارے ساتھ نہیں ہیں۔ وہ پچھلے مہینے سے ہی سانس کی دشواریوں میں مبتلا تھے۔ جس کی وجہ سے انہیں ممبئی کے ہندوجا اسپتال میں داخل کرایا گیا۔ اسی اسپتال میں 98 سالہ دلیپ کمار Dilip Kumar نے آخری سانس لی۔ رپورٹ کے مطابق دلیپ کمار کی تدفین ممبئی کے جو ہو قبرستان میں بعد نماز عصر ہوگی۔

بالی ووڈ کے معروف اداکار و شہنشاہ جذبات دلیپ کمار (Dilip Kumar)، محمد یوسف خان کا 7 جولائی 2021 کو ایک طویل بیماری کے بعد اتنقال ہوگیا ہے۔ دلیپ کمار نے صبح 7 بج کر 30منٹ پر آخری سانس لی ہے۔ وہ ممبئی کے ہندوجا اسپتال میں زیر علاج تھے۔

دلیپ کمار 98 بر س کے تھے ۔ دلیپ کمار ایک طویل عرضہ سے بیمار تھے اور دلیپ کمار کی اہلیہ سائرہ بانون ہمیشہ دعاؤں کی اپیل کرتی رہتی تھیں۔ دلیپ کمار کے انتقال کے بعد بالی ووڈ میں غم کی لہر دیکھی جارہی ہے۔ اس دکھ کی گھڑی میں پی ایم مودی نے ان سے فون پر بات کرکے تسلی دی۔

وہیں وزیر اعظم نریندر مودی نے بھی دلیپ کمار کے انتقال کی خبر سن کر ان کی بیوی سائرہ بانو کو فون پر بات کرکے ان کو تسلی دی ہے۔ اس کے ساتھ ہی انہوں نے ٹویٹ کرکے کہا، دلیپ کمار کا جانا ہماری ثقافتی دنیا کیلئے ایک بڑا نقصان ہے۔ ان کے کنبے ، دوستوں اور لاتعداد مداحوں کے لئے ہمدردی ہے۔ twitter: Narendra Modi

پی ایم مودی نے لکھا، دلیپ کیمار جی کو سنیما کی دنیا میں عظیم شخص کے طور پر یاد کیا جائے گا۔ انہیں انوکھے ہنر کا اآشیرواد ملا تھا جس وجہ سے کئی نسلوں کے لوگ ان کے چاہنے والے تھے ۔ ان کا جانا ہماری چقافتی دنیا کیلئے کافی نقصان ہے۔

دلیپ کمار کے انتقال پر تمات تر بالی ووڈ ہستیاں اور بڑے بڑے سیاسی لیڈران بھی سوشل میڈیا پر اپنا غم ظاہر کر رہے ہیں۔

ممبئی۔ دلیپ کمار کے ساتھ بالی ووڈ کا ایک دور ختم ہوچکا ہے۔ عظیم اداکار کے جسد خاکی کو اسپتال سے گھر بلے جایا گیا ہے۔ ان کی آخری رسوم آج شام 5 بجے ادا کی جائیں گی۔ دلیپ کمار کے خاندانی دوست فیضل فاروقی نے دلیپ صاحب کے ٹویٹر اکاؤنٹ سے یہ معلومات شیئر کیں۔ یہ افسوسناک خبر بدھ کی صبح سامنے آئی اور اس کے ساتھ ہی بہت سارے ستاروں نے اپنے غم کا اظہار کرنا شروع کردیا۔ بالی ووڈ کے کئی ستارے یوسف خان کے آخری دیدار کے لئے ان کے گھر پہنچے۔ فوٹو کریڈٹ: وائرل بھانی

دلیپ کمار کے آخری دیدار کرنے کیلئے شبانہ اعظمی بھی پہنچیں۔ Viral Bhayani

دھرمیندر دلیپ کمار صاحب کو اپنا بڑا بھائی مانتے تھے وہ بھی ان کے آخری دیدار کیلئے پنچے۔ : Viral Bhayani

ودیا بالن اپنے شوہر سدھارتھ رائے کپور کے ساتھ اداکار یوسف خان کو دیکھنے کیلئے پہنچیں۔

انوپم کھیر بھی دلیپ صاحب کو دیکھنے کیلئے پہنچے۔ Viral Bhayani

شام پانچ بجے بعد نماز عصر دلیپ کمار کو سپرد خاک کردیا جائے گا۔

اسپتال سے گھر لایا گیا دلیپ کمار جسد خاکی ساتھ نظر آئیں بیوی سائرہ بانو۔

بتادیں کہ سائرہ بانو مسلسل دلیپ کمار کیلئے فینس سے درخواست کر رہی تھیں انہو نے اپنے آخری ٹویٹ میں لکھا تھا ، ہم دلیپ صاحب پر خدا کی بڑی مہربانی کیلئے شکرگزار ہیں کہ ان کی صحت میں سدھار ہو رہا ہے۔ ہم ابھی بھی اسپتال میں ہیں اور آپ سے دعائیں کرنے کی درخواست کرتے ہیں تاکہ انشااللہ وہ جلد صحت یاب ہو جائیں اور جلد ہی انہیں چھٹی مل جائے۔ وہیں دلیپ کمار کے فینس بھی ان کی صحت کی دعا کر رہے تھے لیکن قدرت کو کچھ اور ہی منظور تھا۔ آج انہوں نے دار فانی کو الوداع کہہ دیا۔

سائرہ بانو کا دلیپ کمار کیلئے وہ تویٹ جس میں انہوں نے دعاؤں کی درخواست کی تھی۔

دلیپ کمار نے ہمیشہ کے لئے دنیا کو الوداع کہہ دیاہے۔ انہوں نے آج صبح 7.30 بجے آخری سانس لیا۔ دلیپ کمار کو سانس لینے میں دشواری کے سبب 29 جون کو ایک بار پھر ممبئی کے ہندوجا اسپتال میں داخل کیا گیا تھا۔ صحت کی خرابی کی وجہ سے انہیں اسپتال کے آئی سی یو وارڈ میں داخل کرایا گیا تھا۔ ان کی وفات کے بعد نہ صرف بالی ووڈ بلکہ ان کے مداحوں میں بھی غم کی لہر دیکھی جارہی ہے۔

دلیپ کمار کے ڈاکٹر جلیل پارکر نے ان کی موت کی خبر کی تصدیق کردی ہے۔ دلیپ کمار کی آخری رسومات آج ممبئی کے سنٹا کروز قبرستان میں ادا کی جائیں گی۔ دلیپ کمار کے اسپتال میں داخل ہونے کے بعد ، ان کی اہلیہ سائرہ بانو مستقل طور پر مداحوں کو اپنی صحت سے متعلق تازہ معلومات بانٹ رہی تھیں۔ گزشتہ روز ہی ، انہوں نے کہا تھا کہ اب دلیپ کمار کو ایک بار پھر دعاؤں کی ضرورت ہے۔

دلیپ کمار کا اصل نام محمد یوسف خان تھا۔ وہ 11 دسمبر 1922 کو پیدا ہوئے تھے۔ انہیں ہندی سنیما میں 'دی فرسٹ خان' اور 'ٹریجڈی کنگ' کے نام سے جانا جاتا ہے۔ ہندی سنیما میں بہترین اور منفرد اداکاری کا سہرا انہیں جاتا ہے۔

انہوں نے 6 دہائیوں تک ایک بہترین خدمات انجام دی ہے۔ دلیپ کمار نے اپنی اداکاری کا آغاز 1944 میں بمبار ٹاکیز کی پروڈیوس کردہ فلم جوار بھاٹا سے کیا تھا۔

۔ تقریبا پانچ دہائیوں پر محیط اداکاری کے کیریئر میں ، انہوں نے دیوداس ، نیا دور ، مغل اعظم ، گنگا جمنا ، کرانتی اور کرما سمیت 65 سے زائد فلموں میں اداکاری کی ہے۔ دلیپ کمار کو آخری بار 1998 میں ریلیز ہونے والی فلم قلعہ میں دیکھا گیا تھا۔

وہیں اس سے پہلے بھی سائرہ بانو نے دلیپ کمار کی صحت کا اپڈیٹ دیتے ہوئے اسپتال سے تصویر شیئر کی تھی۔ یہ تصویر اسپتال کے اس روم کی ہے جہاں دلیپ کمار داخل ہیں۔ فوتو میں دلیپ کمار کے ساتھ سائرہ بانو بھی نظر آرہی ہیں۔ تصویر میں جہاں دلیپ کمار کی آنکھیں بند ہیں تو وہیں سائرہ بانو انہیں دیکھتی نظر آرہی ہٰن اور اپنے ہاتھ سے دلیپ کمار کے ہاتھ پکڑا ہوا ہے۔ بتادیں کہ کمار کو صحت خراب ہونے کے چلتے اتوار کو ممبئی کے ہندوجا اسپتال میں داخل کرایا گیا تھا۔

اس کے ساتھ ہی انہوں نے فینس کو ان کی صحت یابی کیلئے دعائیں کرنے کیلئے شکریہ کہا۔ Viral Bhayani)

بالی ووڈ کے قدآور اداکار دلیپ کمار (Dilip Kumar) کی بیوی اور اداکارہ سائرہ بانو مسلسل ٹویٹ کرکے دلیپ کمار کی طبیعت کی جانکاری دے رہی تھیں۔

واضح ہو کہ معروف بزرگ اداکار دلیپ کمار کو آج یہاں صبح سانس لینے کی تکلیف کے بعد اسپتال میں داخل کرایا گیا تھا۔ اطلاع کے مطابق 98 سالہ شہنشاہ جذبات کہلائے جانے والے اداکار کو شمال مغربی ممبئی کے کھار میں واقع ہندوجا اسپتال میں پہنچایا گیا تھا۔

دلیپ کمار کے اسپتال میں رہتے بیوی سائرہ بانو مستقل ان کے ساتھ رہیں اور سوشل میڈیا کے ذریعے اپڈیٹ دیتی رہی تھیں۔

ممبئی: کئی دہائیوں تک بڑی اسکرین پر راج کرنے والے اداکار دلیپ کمار آج ہمارے ساتھ نہیں ہیں۔ وہ پچھلے مہینے سے ہی سانس کی دشواریوں میں مبتلا تھے۔ جس کی وجہ سے انہیں ممبئی کے ہندوجا اسپتال میں داخل کرایا گیاتھاتاہم آج صبح ساڑھے7 بجے وہ مالک کے حقیقی سے جاملے۔ دلیپ کمار نے ایک طویل عرصہ تک سامعین کو محظوظ کیا۔ آج صرف انکی کی یادیں ہمارے پاس باقی ہیں۔ آئیے ایک کے بعد ایک دلیپ کمار کی کچھ بہترین فلموں پر ایک نظر ڈالتے ہیں۔ فائل فوٹو

بالی ووڈ میں کچھ ایسی فلمیں آئیں ہیں جن کے کردار ہمیشہ زندہ رہتے ہیں۔ ہندوستانی سنیما کی ایسی ہی ایک فلم 'مغل اعظم' رہی ہے۔ 1960 کی اس فلم میں دلیپ کمار نے راج کمار سلیم کا کردار ادا کیا تھا۔ فلم ایسی ہٹ رہی تھی اور آج بھی فلمی شائقین کے ذہنوں اور دل پر راج کررہی ہے۔ فائل فوٹو

ڈرامہ اور ایکشن سے بھرپور فلم 'کرانتی' اداکار دلیپ کمار کی کبھی نہیں بھولے فلموں میں شامل رہی ہے۔ فلم میں اداکار ششی کپور ، شتروگھن سنہا اور اداکارہ ہیما مالینی بھی مرکزی کردار میں ہیں۔ دلیپ صاحب کی فلم نے سنیما گھروں میں بے حد کامیابی حاصل کی تھی۔ فائل فوٹو

بالی ووڈ میں 80 کے ملک کی سب سے زیادہ سپر ہٹ فلموں کے بارے میں بات کریں تو پھر اس میں 'کرما' کا نام بھی سامنے آتا ہے۔ دلیپ کمار نے اس فلم میں ایک پولیس افسر کا کردار ادا کیا تھا۔ اس فلم کے گانے اتنے مشہور ہوگئے ہیں کہ آج بھی انہیں یوم آزادی اور یوم جمہوریہ کے دن ہمیشہ سنا جاتا ہے۔ فائل فوٹو

ہندوستان کا ایک سب سے جذباتی فلم'دیوداس' رہی ہے۔ 1955 کی اس فلم میں دلیپ کمار کا کردار ابھی بھی یاد ہے۔ فائل فوٹو

فلمی دنیا میں جڑواں ہیروز جیسے ٹرینڈ کی انٹری دلیپ کمار کی فلم 'رام اور شیام' سے ہوئی تھی۔ اس فلم میں دلیپ جی نے جڑواں لڑکوں کا کردار ادا کیا تھا جن کے نام رام اور شیام تھے۔ اس فلم میں دلیپ کمار کی شاندار اداکاری کو دیکھ کر سامعین ان کی کارکردگی سے متاثر ہوئے۔ فائل فوٹو

دلیپ کمار . سائرہ بانو

شہنشاہ جذبات دلیپ کمار کی فائل فوٹو