اداکارہ نینا گپتا کی بیٹی مسابہ بنی دلہن، جذباتی ہوکر لکھا : 'آپ میری زندگی....'

اتھیا شیٹی اور کے ایل راہل کی شادی کے بعد مسابہ گپتا کی شادی کی خبر سبھی کیلئے حیران کن رہی ۔ شادی کو لے کر پہلے کوئی جانکاری نہیں تھی ۔ اچانک مسابہ اور ستیہ دیپ کی جانب سے شادی کو لے کر اعلان کیا گیا ۔ شادی میں مسابہ کے والد ویوین ریچرڈ بھی خاص طور پر شامل ہوئے ۔

ستیہ دیپ سے شادی کرنے کے بعد مسابہ نے انسٹاگرام پر کچھ تصاویر شیئر کی ہیں۔ خوبصورت لہنگے میں مسابہ اور کرتا پاجامہ میں ستیہ دیپ کی جوڑی کافی اچھی لگ رہی تھی ۔ دونوں نے الگ الگ انداز میں اپنی کچھ تصاویر شیئر کی ہیں ۔

مسابہ طویل عرصہ سے ستیہ دیپ کو ڈیٹ کررہی تھیں ۔ شادی کے لمحہ پر جذباتی ہوتے ہوئے انہوں نے شوہر کا موازنہ پرسکون سمندر سے کیا ہے ۔ ان کے مطابق وہ زندگی میں سکون اور استحکام لے کر آئے ہیں ۔ ساتھ ہی ان کی وجہ سے ہی ان کی زندگی میں مسکراہٹ ہے ۔

مسابہ فیشن ڈیزائنر ہیں، اس لئے انہوں نے اپنا ویڈنگ لہنگا خاص انداز میں تیار کیا ہے ۔ اپنی تصاویر کے ساتھ انہوں نے اپنے پان پتی لہنگے کی خاصیت بھی شیئر کی ۔

مسابہ گپتا کے شوہر ستیہ دیپ مشرا بھی شوبز انڈسٹری کا ہی حصہ ہیں ۔ وہ فلموں اور ویب سیریز کی دنیا میں سرگرم ہیں ۔

ستیہ دیپ پیشے سے وکیل ہیں ۔ ممبئی آنے سے پہلے وہ دہلی میں کام کررہے تھے ۔

مسابہ اور ستیہ دیپ کافی طویل عرصہ سے ایک دوسرے کو ڈیٹ کررہے تھے ۔ اب دونوں نے اپنے رشتے کو نام دیدیا ہے ۔

اداکاری کے علاوہ ستیہ دیپ کو بائیکنگ کا شوق ہے ۔ وہ اکثر روڈ ٹرپ پر جاتے ہیں ۔ (سبھی تصاویر : ستیہ دیپ / مسابہ انسٹاگرام)