پرینکا سنگھ نے انٹرنیٹ پر بکھیرا جلوہ، سوئمنگ پول والی تصاویر ہوئیں وائرل

اداکارہ پرینکا سنگھ نے سال 2018 میں ریلیز ہوئی فلم ’کاشی-ان سرچ آف گنگا‘ سے بالی ووڈ میں ڈیبیو کیا۔ اس کے بعد سے وہ مسلسل کسی نہ کسی طرح کے پروجیکٹ سے جڑ رہی ہیں۔ پرینکا اب بہت جلد ‘خوش آمدید‘ میں پُلکت سمرات اور ایسابیل کیف کے ساتھ اہم کردار میں نظر آنے والی ہیں۔

پرینکا سنگھ آج چھوٹے شہر سے آنے کے باوجود بالی ووڈ میں اہم مقام پانے کے لئے جدوجہد کر رہی ہیں۔ وہ اترپردیش کے سہارنپور ضلع سے تعلق رکھتی ہیں۔ سہارنپور کے پولیس لائن میں رہنے والی پرینکا سنگھ آنجہانی والد کا تعلق پولیس محکمہ سے رہا۔ ماں آج بھی پولیس کی وردی پہن کر ملک اور سماج کی خدمت میں مصروف ہوئی ہیں۔

پرینکا سنگھ نے اسکول اور کالج میں پڑھائی کرتے ہوئے تھیئیٹر پر اداکاری تو کی، مگر بالی ووڈ کی فلموں میں کام کرنے کا ان کا خواب ایک دن سچ ہوجائے گا، اس کا علم انہیں بھی نہیں تھا۔ اسکول کالج میں پڑھائی کے ساتھ ساتھ ہاتھ میں ہاکی اسٹک تھامے گول کرنے اور روکنے کے کے لئے دوڑ رہی تھیں۔

ایسے میں اس وقت پرینکا سنگھ کو لگتا تھا کہ وہ ایک دن ہاکی کھلاڑی بن کر اپنے صوبہ اور ملک کا نام اونچا کریں گی، لیکن فلموں میں اداکاری کرنے کا جنون انہیں کسی طاقتور چمبک کی طرح ممبئی کی طرف متوجہ کر رہا تھا۔ من میں بالی ووڈ میں جاکر ہاتھ آزمانے، نہ آزمانے کی اوہا-پوہا کے درمیان آخرکار پرینکا سنگھ نے ممبئی کا رخ کرلیا۔

چار سال پہلے لئے گئے اپنے اس فیصلے کا پرینکا سنگھ کو آج بھی کوئی افسوس نہیں ہے اور وہ اپنے فیصلے سے کافی خوش ہیں۔ پرینکا سنگھ کہتی ہیں، ’میں ہمیشہ اپنے کام میں فوکسڈ رہتی ہوں۔ بغیر فوکسڈ ہوئے کوئی بھی کام آسان نہیں ہوتا ہے‘۔

پرینکا سنگھ نے مزید کہا، ’آج اپنے حوصلے اور جذبے سے میں سہارنپور کی ایک عام سی لڑکی بالی ووڈ میں ایک مقام حاصل کرنا چاہتی ہوں۔ ملک کے چھوٹے چھوٹے گاوں اور شہروں میں رہنے والے نہ جانے کتنے لوگوں کے دل میں بالی ووڈ کے خواب پالا کرتے ہیں۔ ان میں سے کئی خواب حقیقت بن کر الگ طرح کی مثالیں بھی پیش کرجاتے ہیں۔

پرینکا کی زندگی میں ایک وقت ایسا بھی تھا، جب پرینکا سنگھ کو لگتا تھا کہ شاید بالی ووڈ کی فلموں میں کام کرنا ان کی قسمت میں نہیں ہے۔ ایسے میں ممبئی میں روز مرہ کی جدوجہد کے درمیان آڈیشن پر آڈیشن دیتی ہوئی پرینکا سنگھ حیران ہوتی چلی گئیں اور پھر واپس سہارنپور لوٹ گئیں، کبھی واپس لوٹ کر نہیں آنے کے لئے۔ مگر ایک دن ممبئی نے پھر سے پرینکا سنگھ کو آواز دی۔

ایک دن ایک اشتہار فلم میں کام کرنے کا آفر آیا تو پرینکا سنگھ پس وپیش میں پڑگئیں کہ آخر پھر سے ممبئی کا رخ کریں بھی یا نہ کریں، لیکن اب پرینکا سنگھ کا ماننا ہے کہ ایک بار پھر سے ممبئی آنے کا فیصلہ ان کے بہت اچھا ثابت ہوا۔ واپس لوٹنے کے بعد انہیں فلموں کے اچھے آفر ملنے لگے۔