Fact Check : بالی ووڈ اداکارہ راکھی ساونت نے سینے پر پاکستانی پرچم لپیٹ کر کروایا فوٹو شوٹ؟

بالی ووڈ اداکارہ راکھی ساونت کا تنازعات سے گہرا رشتہ ہے ۔ وہ اکثر معاملات میں کھل کر بولتی ہیں ، جس کی وجہ سے راکھی کو اکثر تنقید کا سامنا کرنا پڑتا ہے ۔ حالانکہ راکھی کے کئی حامی بھی ہیں ، جو کسی ہچکچاہٹ کے بغیر ان کی سراہنا کرتے ہیں ۔

لیکن اب اداکارہ ایک نئے تنازع میں پھنس گئی ہیں ۔ حال ہی میں اپنے سینے پر پاکستانی پرچم لپیٹے راکھی ساونت کی تصویریں کافی وائرل ہوئیں ۔

یہ تصویر ٹویٹر اکاونٹ پر اس کیپشن کے ساتھ دکھائی دی کہ یہ ہے رانی ساونت کی سچائی ، خود کو ہندوستانی ہونے کا دعوی کرتی ہیں ۔ اس پوسٹ کو کرنے والے شخص نے بعد میں اس کو ہٹا دیا ۔ تاہم تصویر جلد ہی وائرل ہوگئی ۔

اس تصویر کے بعد ٹویٹر پر راکھی جم کر ٹرول ہونے لگیں ۔ کسی نے مذاق میں پوچھا کہ کیا راکھی بالی ووڈ میں خان کیمپ کو خوش کرنے یا جلد سے جلد پاکستان جانے کی کوشش کررہی ہیں ۔

کچھ نے اس کو غدار کہا تو کچھ کا کہنا تھا کہ ہندوستان سے اس طرح کی حرکت کرنے کیلئے انہیں پاکستان بھیج دیا جانا چاہئے ۔

لیکن حقیقت یہ ہے کہ یہ راکھی کی ایک فلم کا منظر ہے ۔ اداکارہ نے مئی 2019 میں اپنے انسٹاگرام اکاونٹ پر یہ تصویر شیئر کی تھی ۔ فلم کیلئے کیپشن میں لکھا تھا کہ یہ ایک ایسی شخصیت تھی جو تھی تو پاکستانی لیکن ہندوستان سے پیار کرتی تھی ۔

اداکارہ کی ایک پرانی تصویر اور فلم کے سین کو اس طرح سے وائرل کئے جانے پر ابھی تک راکھی ساونت کا کا رد عمل سامنے نہیں آیا ہے ۔