ریا چکرورتی کے وکیل نے کیا انکشاف، 8 جون کو سشانت کا گھر کیوں چھوڑ گئی تھیں اداکارہ

بالی ووڈ اداکار سشانت سنگھ راجپوت کے انتقال سے جڑے معاملہ میں ابھی تک کوئی نتیجہ نہیں نکل پایا ہے۔ اس معاملہ میں اہم ملزم بتائی جا رہیں اداکارہ ریا چکرورتی کو این سی بی نے کچھ وقت کے لئے گرفتار کیا تھا۔ وہیں، بیتے دنوں ریا نے سشانت کی بہنوں میتو سنگھ اور پرینکا سنگھ کے خلاف کیس درج کروایا تھا۔

وہیں، اب اس معاملے پر ریا کے وکیل ستیش مان شندے نے بیان دیا ہے۔ انہوں نے اپنے بیان میں اس بات کا انکشاف کیا ہے کہ ریا 8 جون کو سشانت کا گھر چھوڑ کر کیوں گئی تھیں۔

بتا دیں کہ ریا چکرورتی نے سشانت کی بہنوں پر الزام لگایا تھا کہ انہوں نے فرضی پرچے دکھا کر سشانت کو ڈاکٹر کی صلاح لئے بغیر دوائیں دی تھیں۔ اس کے بعد ممبئی پولیس نے ایک حلف نامہ داخل کیا تھا۔

ممبئی مرر کی ایک رپورٹ کی مانیں تو اس کے بعد اب ریا کے وکیل ستیش نے اس معاملہ میں ایک بیان جاری کیا ہے جس میں کہا گیا ہے کہ سشانت کی بہنوں نے ان کی ذہنی صحت کے بارے میں جانتے ہوئے بھی انہیں غلط طریقے سے دوائیاں دی تھیں۔

انہوں نے آگے بتایا کہ ریا نے سشانت کا گھر کیوں چھوڑا تھا۔ ریا کے وکیل نے کہا ' سشانت کو کم سے کم 5 ڈاکٹروں نے یہ صلاح دی تھی کہ وہ اپنی ذہنی صحت کے سبب ڈرگس سے بچیں۔ لیکن سشانت نے ایسا کرنے سے منع کر دیا تھا۔

اس لئے ریا نے 8 جون کو سشانت کا گھر چھوڑ دیا تھا جو 14 جون کو ہوئے سشانت کے انتقال کے ایک ہفتے پہلے کی بات ہے۔