فلم پٹھان نے ان نو فلموں کو چٹائی دھول، ساوتھ کی دو بڑی فلموں کو جھٹکا، سلمان اور عامر کو بھی نہیں چھوڑا، دیکھئے فہرست

نئی دہلی : سپر اسٹار شاہ رخ خان کی فلم پٹھان کے میکرس کو جتنی امیدیں تھیں، یہ اس سے بھی چار قدم آگے نکل چکی ہے ۔ باکس آفس پر اپنی ریلیز کے پہلے دن سے ہی فلم پٹھان نے ناظرین کا دل جیت لیا ہے ۔ اس فلم کے ذریعہ چار سال بعد شاہ رخ خان کی زبردست واپسی ہوئی ہے ۔

باکس آف انڈیا کے مطابق پٹھان نے اپنے پہلے ویک اینڈ کے کلیکشن سے نو بڑی فلموں کو پیچھے چھوڑ دیا ہے ، جس میں دو ساوتھ کی بڑی فلموں کے نام بھی شامل ہیں ۔

1 ۔ فلم پٹھان : شاہ رخان ، دیپیکا پڈوکون اور جان ابراہم اسٹارر فلم پٹھان نے اپنے پہلے ویک اینڈ میں 160.5 کروڑ روپے کی کمائی کرکے ٹاپ آل ٹائم فرسٹ ویک اینڈس فہرست میں نمبر ایک پر آچکی ہے ۔

2 ۔ کے جی ایف 2 : ساوتھ کے لیجنڈ ایکٹر یش کی فلم کے جی ایف 2 نے اپنے پہلے ایک اینڈ میں 140.45 کروڑ کی کمائی کی تھی ۔

3 ۔ باہوبلی : دی کنکلوزن : پربھاس کی ساوتھ کی بلاک بسٹر فلم باہو بلی : دی کنکلوزن نے اپنے پہلے ویک اینڈ میں 127.28 کروڑ روپے کی کمائی کی تھی ۔

4 ۔ سنجو : سنجے دت کی بایوپک ، جس میں رنبیر کپور نے شاندار کام کیا تھا، اس فلم کے ہاتھ 119.33 کروڑ روپے لگے تھے ۔

5- ٹائیگر زندہ ہے : سلمان خان کی فلم ٹائیگر زندہ ہے اپنے پہلے ویک اینڈ میں باکس آفس پر 114.91 کروڑ روپے کی کمائی کرنے میں کامیاب رہی تھی ۔

6 - سلطان : سلمان خان کی فلم سطان اس فہرست میں چھٹے نمبر پر ہے ۔ اس نے 105.55 کروڑ روپے کمائی کی تھی ۔

7 - دنگل : عامر خان کی فلم دنگل کی بات کریں تو وہ اس فہرست میں اب ساتویں نمبر پر آگئی ہے ۔ اس نے 104.53 کروڑ روپے کی کمائی کی تھی ۔

8- براہمستر : پچھلے سال ریلیز ہوئی رنبیر کپور اور عالیہ بھٹ کی فلم براہمستر آٹھویں نمبر پر ہے ۔ براہمستر نے 102.54 کروڑ روپے کی کمائی کی تھی ۔

9 - بجرنگی بھائی جان : سلمان خان کی ایک اور فلم بجرنگی بھائی جان بھی فلم پٹھان سے پیچھے ہے ۔ اس فلم کا کلیکشن 101.42 کروڑ روپے رہا تھا ۔

10 - ریس : سلمان خان کی فلم ریس بھی پٹھان فلم کے پیھچے ہوگئی ہے ۔ ریس نے 100.64 کروڑ روپے کمائی کی تھی ۔