انڈین فلم فیسٹیول آف میلبورن میں Taapsee Pannu۔ تمنا بھاٹیہ کا نظر آیا گلیمرس اوتار

آنے والی تھرلر فلم 'دوبارا' (Dobaaraa) جس میں تاپسی پنو(Taapsee Pannu) اور پاویل گلاٹی ( Pavail Gulati) شامل ہیں، 'انڈین فلم فیسٹیول آف میلبورن 2022' میں اسکریننگ کے لیے پیش کی گئی۔ آپ کو بتاتے چلیں کہ 'دوبارہ' کو انوراگ کشیپ نے ڈائریکٹ کیا ہے اور فلم کی کہانی نیہت بھاوے نے لکھی ہے۔

آسٹریلیائی پریمیئر اور اوپننگ نائٹ میں انوراگ کشیپ، تاپسی، تمنا بھاٹیہ اور ریتوک دھنجنانی نے سیکڑوں ہندوستانی اور آسٹریلیائی سامعین کی موجودگی میں شرکت کی۔ اسکریننگ کے بعد فلمساز انوراگ اور تاپسی نے فلم کی خوشی کا اظہار کیا۔

اس دوران تاپسی فلم فیسٹیول میں بلیک گاؤن میں میچنگ شرگ کے ساتھ پہنچی تھیں۔

تمنا اس ایونٹ میں سبز اور سیاہ رنگ کے لباس میں نظر آئیں۔

ریتوک دھنجانی (Rithvik Dhanjani) بھی سیاہ لباس میں نظر آئے۔

پریمیئر کے بارے میں بات کرتے ہوئے، تاپسی نے کہا، "پرجوش ہوں کہ فلم آسٹریلیا میں ہندوستان میں رلیز سے ایک ہفتہ قبل ریلیز ہو رہی ہے۔ مجھے امید ہے کہ ہر کوئی فلم کو دیکھے گا اور اس کی تعریف کرے گا، یہ بالکل نئی طرز کی فلم ہے۔

دوبارہ 19 اگست کو دنیا بھر میں ریلیز ہونے والی ہے۔ یہ تاپسی اور انوراگ کی تیسری فلم ہے جس میں انہوں نے ایک ساتھ کام کیا ہے۔ اس سے قبل وہ 'من مرزیاں' اور بائیوپک ڈرامہ 'سانڈ کی آنکھ' میں نظر آئے تھے۔

دوسری طرف، تاپسی دوسری بار پاویل گلاٹی کے لیے کام کرنے جا رہی ہیں۔ اس فلم سے پہلے ان کی جوڑی فلم 'تھپڑ' میں نظر آئی تھی۔