اس دن پاکستان کی فوج میں شامل ہوا تھا پہلا ہندو ، جانئے اب کتنی ہے ان کی تنخواہ

25 ستمبر 2005 کو پہلی مرتبہ کوئی ہندو پاکستان کی فوج میں شامل ہوا ۔ پاکستان کے وجود کے بعد یہ پہلا موقع تھا جبکہ کسی ہندو کو پاکستانی فوج نے جوائن کرایا ۔ جوائن کرنے والے نوجوان کا نام دانش تھا ۔ انہوں نے پاکستانی فوج میں کیپٹن کی پوزیشن پر اپنا کریئر شروع کیا ۔ حالانکہ اس کے بعد اب پاکستان کی فوج میں کئی ہندو افسران ہیں ۔

دانش راجستھان کی سرحد سے متصل سندھ صوبہ کے تھارپارکر ضلع کے رہنے والے ہیں ۔ اس ضلع میں ہندو بڑی تعداد میں رہتے ہیں ۔ اوپر کی تصویر پاکستانی فوج کے ایک اور ہندو کیپٹن انل کمار کی ہے ۔

ویسے تو پاکستان میں اقلیتوں کو ہر امتحان میں بیٹھنے کی اجازت ہے ، لیکن پھر بھی پاکستان کی فوج میں اقلیتوں خاص کر ہندو اور سکھوں کی گنتی انگلیوں پر کی جاسکتی ہے ۔

پاکستان کے قوانین کے مطابق انٹر سروسیز سلیکشن بورڈ کے امتحانات میں بھی سبھی شامل ہوسکتے ہیں ، لیکن 2006 میں پاکستانی فوج میں ایک ہندو اور ایک سکھ کو جگہ مل سکی تھی ۔ حالانکہ پاکستان کی فوج میں کئی عیسائی فوجی ہیں ۔

دسمبر 2005 میں ننکانہ صاحب کے ہرچرن سنگھ پاکستان کی فوج میں شامل ہونے والے پہلے سکھ بنے تھے ۔ ہرچرن اب میجر بن چکے ہیں ۔

بعد میں 2010 میں امرجیت سنگھ نام کے ایک اور سکھ نوجوان کو پاکستانی رینجرس کے طور پر تقرری ملی تھی ۔ واگہہ پر اپنی پریڈ کے دوران بھی وہ سرخیوں میں آئے تھے ۔ وہیں بعد میں ایک سکھ نوجوان پاکستانی کوسٹ گارڈ کے طور پر بھرتی ہوا ۔

اس کے علاوہ پولیس محکمہ میں بھی گلاب سنگھ نام کے ایک سکھ نوجوان کو پہلی مرتبہ ٹریفک پولیس وارڈن بنایا گیا تھا ۔

اس کے بعد دھیرے دھیرے کچھ ہندو اور سکھ اقلیتوں کو پاکستانی فوج مین جگہ ملنے لگی ۔ حالانکہ ابھی بھی ان کی صحیح تعداد کا کوئی اعداد و شمار نہیں ہے ، لیکن کچھ ہی سال پہلے پاکستان میں ایک 27 سال کے لانس نائک لال چند رباری کا قتل ہوگیا تھا ۔ اس وقت وہ پی او کے کے پاس منگلا فرنٹ پر تعینات تھے ۔ وہ سندھ کے بادن ضلع سے رکھتے تھے ۔

حال ہی میں تھارپرکار کے راہل دیو نے پاکستان کی فضائیہ میں پائلٹ افسر کے طور پر جوائننگ کی ہے ۔ وہ پاکستانی ائیر فورس میں افسر کے طور جوائن کرنے والے پہلے ہندو ہیں ۔

اب تو کئی ہندو افسر پاکستانی فوج میں میجر کے عہدہ تک پہنچ چکے ہیں ، لیکن پہلی مرتبہ میجر عہدہ تک پہنچنے والے ہندو ڈاکٹر کیلاش گروڈے تھے ، جو فوج کی میڈیکل کور میں تھے ۔ حالانکہ پاکستان کی فوج میں اب تک کوئی ہندو یا سکھ میجر کے عہدہ سے اوپر تک نیں جا پایا ہے ۔