7 ماہ بعد ایک مرتبہ پھر اللہ اکبر کی صدا سے گونج اٹھا خانہ کعبہ ، دیکھئے عمرہ کی روح پرور تصاویر

کرونا وائرس کی وبا کے باعث لگائی گئی پابندیوں کے بعد سات ماہ بعد مسجد حرام کو زائرین کے لئے کھول دیا گیا ہے ۔ ہفتہ اور اتوار کی درمیانی شب عمرہ کے مناسک کا مرحلہ وار آغاز کر دیا گیا ۔ (Photo:@hsharifain/Twitter)

العربیہ ڈاٹ نیٹ کی ایک رپورٹ کے مطابق سعودی عرب کی وزارت حج و عمرہ کی طرف سے جاری کردہ ایک بیان میں کہا گیا ہے کہ پہلے مرحلے میں 30 فی صد عازمین عمرہ کو مناسک کی ادائیگی کی اجازت دی گئی ہے ۔ (Photo:@hsharifain/Twitter)

دوسرا مرحلہ 18 اکتوبر کو شروع ہو گا ، جس میں عازمین عمرہ کی گنجائش بڑھا کر 75 فی صد اور تیسرے مرحلے میں اندورن اور بیرون ملک سے 100 فی صد عازمین عمرہ کو اجازت دی جائے گی ۔(Photo:@hsharifain/Twitter)

معتمرین کے لئے عمرہ کی ادائیگی کے دوران نئی شرائط اور کورونا وبا کے پیش نظر ایس او پیز تیار کیے گئے ہیں ۔ (Photo:@hsharifain/Twitter)

عمرہ کی ادائیگی میں معاونت کے لیے انتظامی امور، محکمہ صحت، صفائی، رضا کار اور دیگر معاون ادارے بھی اپنی اپنی خدمات انجام دیں گے ۔ (Photo:@hsharifain/Twitter)

قابل ذکر ہے کہ عمرہ کیلئے اس مرتبہ مسجد حرام میں ایک ہزار اضافی ملازمین کا عملہ تعینات کیا گیا ہے ۔(Photo:@hsharifain/Twitter)

مسجد حرام کے تمام داخلی خارجی راستوں، دروازوں، صحن، فرش، برقی زینوں، پنکھوں اور دیگر تمام ضروری اشیا اور مقامات کو سینٹائرز کی مدد سے دن میں 9 بار صاف کیا جائے گا اور مسجد حرام میں چوبیس گھنٹوں کے دوران تین بار عطر چھڑکا جائے گا۔ (Photo:@hsharifain/Twitter)

مسجد حرام میں آنے والے عازمین کی طبی جانچ کیلئے جدید ترین آلات اور تھرما کیمرے نصب کیے گئے ہیں ۔ تاکہ معتمرین میں کسی قسم کی وبائی اثرات کا بروقت پتا لگایا جاسکے ۔(Photo:@hsharifain/Twitter)

حرمین انتظامیہ کے مطابق طواف کیلئے مطاف کعبہ میں دو ٹریک تیار کیے گئے ہیں ۔ ان میں ایک ٹریک پر ایک وقت میں 100 زائرین طواف کی سعادت حاصل کریں گے ۔ (Photo:@hsharifain/Twitter)

7 ماہ بعد ایک مرتبہ پھر اللہ اکبر کی صدا سے گونج اٹھا خانہ کعبہ ۔ (Photo:@hsharifain/Twitter)