فیس بک آپ کو دے گا ڈھائی لاکھ روپیہ سے ز یادہ کا انعام ، بس کرنا ہوگا یہ کام

فیس بک صارفین کے ڈیٹا چوری اور اسے دوسری کمپنیوں کو بیچنے کے الزامات کے درمیا ن ایک اچھی خبر ہے۔ سوشل میڈیا پلیٹ فارم فیس بک ان لوگوں کو 40,000ڈالر (ڈھائی لاکھ روپیہ سے زیادہ) کا انعام دیگا ، جوکہ بڑے ڈیٹا لیک کو اجاگر کرنے کا کام کریگا۔ بڑھتے تنازعہ کے درمیان فیس بک نے ایک باونٹی پروگرام لانچ کیا ہے ۔ اس پروگرام میں فیس بک پلیٹ فار م کے تحت ڈیٹا چوری کا معاملہ سامنے لانے والے کو انعام ملےگا۔ ڈیٹا ابیوز پروگرام انڈسٹری میں اس طرح کا پہلا پروگرام ہوگا۔ اس پروگرام کے تحت جو معاملے فیس بک کی نوٹس میں لائے جائیں گے انہیں ثبوت کے ساتھ فیس بک کے سامنےپیش کیا جائےگا اور ایسے معاملات کو فیس بک کی بگ اور ڈیٹا ابیوز باونٹی ٹیم تحقیق کریگی۔

فیس بک کے اس پروگرام کے تحت انعام کی رقم کم سے کم 500ڈالر(30,000روپیہ) ہے۔ وہیں دوسری جانب ڈیٹا لیک کا بڑاا نکشاف کرنے والے شخص کو 40,000 ڈالر سے زیادہ کا انعام دیا جائےگا، وہیں ایسے کیسوں میں کم سے کم 10,000یوزرس شامل ہونے چاہیئں۔

فیس بک کے چیف سکریٹری آفسر الیکس اسٹاموس کا کہنا ہےکہ اس پروگرام سے ہمیں ڈیٹا چوری کے معاملات کا پتہ لگانے میں مدد ملےگی۔

اگر آپ ڈیٹا چوری کا کوئی معاملہ فیس بک کے سامنے پیش کرتے ہیں تو سوشل میڈیا پلیٹ فارم اسکی تفتیش کریگا اور اس پر کاروائی کا فیصلہ بھی لیگا۔

کیمبرج انالٹکا ڈیٹا اسکینڈل سامنے آنے کے بعد فیس بک نے مارچ کے آخر میں ڈیٹا ابیوز باونٹی لانچ کرنے کا اعلان کیا تھا۔ بگ باونٹی ٹیم میں فی الحال 10 لوگ ہیں اور کمپنی جلد ہی اس میں زیادہ لوگوں کو شامل کریگی۔