ترکی کے صدر اردوغان نے فرانسیسی صدر کو دماغ کی جانچ کرانے کا دیا مشورہ ، لوگوں سے کی یہ بڑی اپیل

اسلام کے حوالے سے فرانس کے صدر ایمانویل میکخواں کے بیان کی زبردست مخالفت کرتے ہوئے ترکی کے صدر رجب طیب اردوغان نے ملک کے شہریوں سے فرانسیسی اشیا کا بائیکاٹ کرنے کی اپیل کی ہے ۔ (تصویر : رائٹرس)

اردوغان نے فرانس میں پیغمبر اسلام کا گستاخانہ اور متنازع خاکہ (کارٹون) دکھانے والے تاریخ کے استاذ کے وحشیانہ قتل کے بعد مسٹر میکخواں کی جانب سے اسلام پر دیے گئے بیان کی سخت مخالفت کی ہے ۔ اس بابت دونوں ملکوں کے رشتے پر کشیدہ ہو گئے ہیں ۔ (تصویر : رائٹرس)

اردوغان نے پیر کے روز انقرہ میں اپنے خطاب میں کہا : جس طرح سے فرانس اپنے عوام کو ترکی کی اشیا کو خریدنے سے منع کر رہا ہے ، میں اپنے عوام سے کہتا ہوں کہ آپ بھی کسی قیمت پر ان کا احترام مت کرو ۔ فرانسیسی اشیا کو نہ خریدیں ۔ (تصویر : اے پی)

ترکی کے صدر نے فرانسیسی مسلمانوں کے ساتھ نا انصافی کا الزام عائد کرتے ہوئے کہا : آپ یقینی طور پر نازی ازم کی شکل ہیں ، جو شخص فرانس کی اقتدار پر بیٹھا ہوا ہے، اسے دماغی علاج کی ضرورت ہے ۔ وہ مسلمانوں پر حملے کے لیے اشتعال دلا رہا ہے ۔ (تصویر : نیوز18 انگلش)