حج 2016 : خیموں کے شہر منی نے اوڑھ لی سفید چادر ، ہر طرف لبیک اللھم لبیک کی گونج

آج سے ارکان حج کی ادائیگی کا سلسلہ شروع ہو گیا ہے ۔ پوری دنیا سے مکہ مکرمہ پہنچنے والے1.5 ملین عازمین حج منی کی جانب گامزن ہیں ۔ (تصویر ٹوئیٹر ہینڈل ریڈیو اسلام )۔

یہ عازمین حج کے پہلے رکن کی ادائیگی کے لئے سفید احرام میں ملبوس لبیک اللھم لبیک کی صدائیں بلند کرتے ہوئے منی پہنچ رہے ہیں۔ (تصویر ٹوئیٹر ہینڈل ریڈیو اسلام )۔

حج کا رکن اعظم وقوف عرفہ اتوار کو یعنی کل ادا کیا جائے گا اور حج کے امام مسجد نمرہ سے حج کا خطبہ دیں گے۔(تصویر ٹوئیٹر ہینڈل ریڈیو اسلام )۔

خیموں کی اس وادی میں لاکھوں عازمین حج آج یہاں قیام کریں گے اور ذکر واذکار اورعبادت وریاضت میں مصروف رہیں گے۔ (تصویر ٹوئیٹر ہینڈل ریڈیو اسلام )۔

سال رواں ایک لاکھ سے زائد ہندستانی عازمین حج کی سعادت سے سرفراز ہوں گے۔(تصویر ٹوئیٹر ہینڈل ریڈیو اسلام )۔

یہ روح پرور عالمی اجتماع اسلام کے پانچ بنیادی ارکان میں سے ایک ہے ، جو ہر اس مسلمانوں پر فرض ہے جو مالی وجسمانی طاقت رکھتا ہو۔تصویر میں دیکھیں عازمین حج کے منی کی طرف کوچ کرجانے کے بعد بیت اللہ میں بھیڑ کافی کم ہوگئی ہے۔ (تصویر ٹوئیٹر ہینڈل ریڈیو اسلام )۔

عازمین حج ہفتہ کو منی میں قیام کرنے کے بعد اتوار کوفجر کی نماز کے بعد میدان عرفات کے لئے روانہ ہو جائیں گے۔(تصویر ٹوئیٹر ہینڈل سلام میڈیا )۔

نویں ذی الحجہ کو یعنی اتوار کو وقوف عرفہ ہے ، جو حج کا رکن اعظم ہے۔ یہاں ظہر اور عصر کی نماز ادا کی جائے گی اور عازمین بارگاہ ایزدی میں رو رو کر اور گڑگڑا کر دعا مانگیں گے۔(تصویر ٹوئیٹر ہینڈل سلام میڈیا )۔

اس کے بعد مغرب کے وقت مغرب کی نماز ادا کئے بغیر مزدلفہ کی جانب رواں دواں ہو جائیں گے۔ مزدلفہ پہنچ کر مغرب اور عشا کی نماز ایک ساتھ پڑھیں گے اور رات بھر یہیں قیام کریں گے۔(تصویر ٹوئیٹر ہینڈل سلام میڈیا )۔

عازمین حج یہیں کنکریاں جمع کریں گے اور اگلے دن 10 ذی الحجہ کو یعنی پیر کو بعد نماز فجر عازمین مزدلفہ سے منی کی جانب کوچ کریں گے ۔ یہاں پہنچ کر وہ قربانی کریں گے ، بڑے شیطان کو کنکریاں ماریں گے ، سر حلق کروائیں گے اور اس کے بعد احرام کھول دیں گے۔زیر نظر تصویر منی میں سورج طلوع ہونے کے وقت کی ہے۔ (تصویر ٹوئیٹر ہینڈل سلام میڈیا )۔