عمران خان نے کہا : ہندوستان کے ساتھ کشمیر کا معاملہ سلجھ جائے تو نیوکلیائی بم کی ضرورت نہیں

اسلام آباد : پاکستان کے وزیر اعظم عمران خان نے دعوی کیا ہے کہ اگر ہندوستان کے ساتھ کشمیر کا معاملہ سلجھ جائے تو پاکستان کو نیوکلیائی بم کی ضرورت نہیں رہے گی ۔ انہوں نے کہ ہمارے نیوکلیائی بم صرف ہمارے تحفظ کیلئے ہیں ۔ پاکستانی وزیر اعظم نے یہ بھی دعوی کیا کہ انہیں نیوکلیائی ہتھیاروں کو بڑھنے کے بعد میں کوئی پختہ جانکاری نہیں ہے ۔ تصویر نیوز 18 انگلش ۔

عمران خان نے ایچ بی او پر نشر ایک انٹرویو میں کہا کہ جہاں تک میں جانتا ہوں کہ یہ جارحانہ چیز نہیں ہے ۔ کوئی بھی ملک جس کا پڑوسی سات گنا بڑاہے ، وہ فکرمند رہے گا ۔ تصویر نیوز 18 انگلش ۔

عمران خان نے کہا کہ وہ نیوکلیائی ہتھیاروں کے بالکل خلاف ہیں ۔ پاکستانی وزیر اعظم نے کہا کہ میں ہمیشہ سے ہی اس کے خلاف رہا ہوں ، ہماری ہندوستان کی ساتھ تین مرتبہ جنگیں ہوچکی ہیں۔ تاہم جب سے ہمارے پاس نیوکلیائی ہتھیار ہیں ، تب سے لے کر اب تک کوئی جنگ ہندوستان کےساتھ نہیں ہوئی ہے ۔ تصویر نیوز 18 انگلش ۔

پاکستانی وزیر اعظم عمران خان نے کہا کہ نیوکلیائی بم بنانے کے بعد ہماری ہندوستان کے ساتھ سرحدی جھڑپ ہوئی ہے ، لیکن جنگ نہیں ہوئی ہے ۔ عمران خان نے کہا کہ جس وقت کشمیر کے معاملہ کا ایک حل نکل جائے گا تو دونوں پڑوسی ممالک ایک ساتھ مہذب شہری کی طرح سے رہیں گے ۔ ہمیں نیوکلیائی ہتھیاروں کی ضرورت نہیں رہے گی ۔ تصویر نیوز 18 انگلش ۔

چین میں ایغور مسلموں پر مظالم کو لے کر عمران خان نے کہا کہ وہ چین کے ساتھ بند کمرے میں بات کرتے ہیں۔ ایغور پر پھنسے عمران خان نے کشمیر کشمیر کی رٹ لگانی شروع کردی ۔ اس کے بعد عمران خان نے کہا کہ مغربی ممالک کشمیر میں مظالم پر خاموش کیوں ہیں؟ تصویر نیوز 18 انگلش ۔