کب اور کیسے ہوئی تھی ڈونلڈ ٹرمپ اور میلانیا کی پہلی ملاقات؟

ایک طرف رخصت پذیر امریکی صدر ڈونلڈ ٹرمپ اس لئے سرخیوں میں ہیں کیونکہ انہوں نے حال میں پہلی بار قبول کیا ہے کہ وہ الیکشن تقریبا ہار چکے ہیں اور جو بائیڈن اگلے صدر ہو سکتے ہیں۔ دوسری طرف، ٹرمپ کی اہلیہ میلانیا ٹرمپ اس لئے چرچا میں ہیں کیونکہ خبروں کے مطابق وہ ٹرمپ سے طلاق لینے پر غور کر رہی ہیں۔ میلانیا سے منسلک کئی باتیں دلچسپ ہیں جیسے ٹرمپ سے ان کی پہلی ملاقات اور کئی طرح کے فن میں ان کا ماہر ہونا۔ آئیے، آپ کو میلانیا کی کچھ دلچسپ باتیں بتاتے ہیں جو آپ نہیں جانتے۔

کیا آپ جانتے ہیں کہ میلانیا امریکہ کی ایسی دوسری خاتون ہیں جو غیرملکی ہونے کے باوجود ' خاتون اول' بنیں۔ ان سے پہلے لوئسا ایڈمس ایسی خاتون تھیں۔ حالانکہ لوئسا کے والد امریکی تھے اور سیاسی رابطے والے کنبے سے تھے اس لئے لوئسا کو ایک طرح سے نہیں بھی مانا جاتا۔ اس لحاظ سے میلانیا کو ایسی پہلی خاتون بھی مانا جا سکتا ہے۔

کمیونسٹ ملک یوگوسلاویہ کے سلووینیا میں 1970 میں پیدا ہوئیں میلانیا کا آبائی وطن سیونیکا رہا ہے۔ 1991 میں جب کمیونسٹ سامراج کا زوال ہوا تھا تب یوگوسلاویہ سے سلووینیا الگ ہوا اور یہاں کے تقریبا 20 لاکھ لوگ آزاد ہوئے۔ ان میں سے کچھ کنبوں نے یوروپ اور امریکہ میں ہجرت بھی کی۔

نیویارک میں ایک فیشن شو کے دوران 1998 میں میلانیا پہلی بار ٹرمپ سے ملی تھیں اور کہا جاتا ہے کہ تب ٹرمپ نے ان کا نمبر مانگا تھا۔ سال 2004 میں ٹرمپ نے انہیں ایک فیشن شو کے دوران پرپوز کیا تھا اور پھر 2005 میں دونوں کی ہائی پروفائل شادی ہوئی تھی جس میں امریکہ کی کئی ہستیاں شریک ہوئی تھیں۔

میلانیا کئی فن میں ماہر ہیں۔ ڈیزائن اور فیشن کی ڈگری کے ساتھ ہی وہ فوٹوگرافی میں بھی مہارت رکھتی ہیں۔ 1987 میں انہوں نے بطور ماڈل بھی شروعات کی تھی۔ کچھ وقت کے لئے انہوں نے آرکیٹیکچر کی پڑھائی بھی کی۔ وہ کم سے کم 6 زبانیں بول سکتی ہیں۔ سلووینین، فرنچ، سربین، جرمن، اطالوی اور انگلش بول سکنے والی میلانیا 2001 میں امریکہ کی مستقل شہری بنی تھیں۔