ماں-بیٹی میں فرق کرنا آسان نہیں، ایک نظر میں دیکھنے والے ہوجاتے ہیں کنفیوز...

اسکاٹ لینڈ کے ایڈنبرگ میں رہنے والی لوئس ینگ (Louise Young) اپنی عمر سے کافی کم نظر آتی ہیں۔ ویسے تو وہ 8 بچوں کی ماں ہیں، لیکن دکھنے میں وہ اپنی بڑی بیٹی جیسی ہی لگتی ہیں۔ وہ اپنے اسٹرائیکنگ لُکس کی وجہ سے سوشل میڈیا پر بھی وائرل ہوچکی ہیں۔

انسٹا گرام پر وہ اپنی تصاویر دوستوں اور فیملی کے ساتھ شیئر کرتی رہتی ہیں اور لوگ انہیں کافی پسند کرتے ہیں۔ ان کے 8500 فالورس بھی ہیں، جو ان کے لُکس کے فین ہیں۔ خاص طور پر وہ اپنی بیٹیوں کے ساتھ جو تصاویر ڈالتی ہیں، وہ ہٹ ہوجاتی ہیں۔

حال ہی میں جم میں اپنی بیٹیوں کے ساتھ 45 سال کی لوئس نے جب تصاویر ڈالیں تو لوگ اسے دیکھ کر حیران رہ گئے۔ فٹنس میں لوئس اپنی تین بیٹیوں کو کچھ یوں ٹکر دے رہی تھیں، جیسے وہ ان کی ماں نہیں بڑی بہن ہوں۔ لوئس کی کل 8 بیٹیاں ہیں، جن میں سے تین کی شادی ہوچکی ہے۔

اپنی بیٹی کی شادی کی تصاویر میں بھی لوئس اتنی ہی خوبصورت نظر آرہی ہیں، جتنی خود ان کی بیٹی۔ ماں کا گیٹ اپ کچھ بھی ہو، وہ جب بیٹیوں کے ساتھ پوز دیتی ہیں تو اسٹائل میں کہیں بھی ان سے کم نہیں لگتیں۔

بہترین کپڑوں اور ڈیزائنر بیگس کے ساتھ ماں بیٹیوں کو دیکھ کر لوگ طرح طرح کے کمنٹ کرتے ہیں۔ کچھ لوگ ان کے جواں انداز کا راز پوچھتے ہیں تو کچھ لوگ ان کے ڈریسنگ اسٹائل پر فدا ہوجاتے ہیں۔ لوئس گلیمر میں بھی کہیں کم نہیں نظر آتیں۔

انٹرنیٹ پر جو بھی ان کی تصاویر دیکھتا ہے، تعریف کئے بغیر نہیں رہ پاتا۔ زیادہ تر لوگ سڑک پر چلتے ہوئے انہیں ان کی بیٹیوں کی بہن سمجھ بیٹھتے ہیں۔ کچھ مداحوں نے تو ان کی انرجی دیکھتے ہوئے انہیں ونڈر وویمن کا بھی خطاب دے ڈالا ہے۔ (Credit- Instagram/@louiseyoung1975)