پوپ فرانسس اور پی ایم مودی گہری قربت سے ملے گلے، چاندی کا مومبتی اسٹینڈ اور ایک دوسرے کو دئے خاص تحائف
PM Modi and Pope Francis Meeting in Itlay: اس ملاقات کے دوران انہیں خصوصی طور پر تیار کردہ چاندی سے بنے موم بتی کا اسٹینڈ اور ہندوستان کی آب و ہوا پر پہل کو لیکر لکھی گئی ایک کتاب بطور تحفہ پیش کی۔ نریندر مودی نے جب پوپ سے ملاقات کی تو پوپ نے انہیں گلے لگا لیا۔ دونوں کے چہروں پر گہری قربت، باہمی احترام اور محبت کے جذبات نظر آرہے تھے۔
نریندر مودی نے سب سے پہلے پوپ سے تنہائی میں ملاقات کی اور وفد کی سطح کی میٹنگ میں شامل ہوئے۔ روایت کے مطابق پوپ کے ساتھ ملاقات کا کوئی پہلے سے مقرر ایجنڈا نہیں ہوتا ہے۔ میٹنگ کے بعد نریندر مودی نے کہاکہ پوپ فرانسس کے ساتھ بہت اچھی ملاقات رہی۔ انہوں نے کئی امور پر بات چیت کی اور انہیں ہندستان آنے کی دعوت دی۔
دنیا کی چوٹی کی 20معیشتوں کے گروپ جی۔20 (G-20 Summit 2021) کا دورزہ سالانہ سربراہی اجلاس آج یہاں میزبان اٹلی کی صدارت میں باضابطہ طورپر شروع ہوا جس میں کووڈ سے عالمی معیشت کو رفتار دینے کے اقدامات کے ساتھ ساتھ موسمیاتی تبدیلی اور عالمی سطح پر کووڈ ٹیکہ کاری مہم میں تعاون پر اقدامات کئے جانے کا امکان ہے۔
دنیا کی چوٹی کی 20معیشتوں کے گروپ جی۔20 (G-20 Summit 2021) کا دورزہ سالانہ سربراہی اجلاس آج یہاں میزبان اٹلی کی صدارت میں باضابطہ طورپر شروع ہوا جس میں کووڈ سے عالمی معیشت کو رفتار دینے کے اقدامات کے ساتھ ساتھ موسمیاتی تبدیلی اور عالمی سطح پر کووڈ ٹیکہ کاری مہم میں تعاون پر اقدامات کئے جانے کا امکان ہے۔ جی۔20سربراہی اجلاس میں ہندستان کی نمائندگی وزیراعظم نریندر مودی کررہے ہیں۔ اٹلی کے وزیراعظم ماریو دروگو نے مہمان رہنماوں کا استقبال کیا۔ وزیراعظم مودی کے اجلاس کی جگہ پہنچنے پر مسٹر دروگو نے اسٹیج سے نیچے اترکر انہیں گلے لگایا اور نہایت گرمجوشی سے انہیں اسٹیج پر لے گئے اور تصویرکھنچوائی۔
وزیراعظم یہاں سے گلاسگو بھی جائیں گے۔ مسٹر مودی نے پانچ دن کا بیرونی دورہ شروع کرنے سے اپنے روانگی کے بیان میں کسی بھی معاہدہ میں کاربن معیشت کو مناسب جگہ دئیے جانے پر زور دیا تھا۔ہندستان اپنی بجلی کی ضرورت کے لئے اب بھی کوئلے پر منحصر ہے جبکہ کچھ مغربی ملک اور تنظیمیں کوئلہ سے چلنے والے پلانٹوں کی فنڈنگ پر روک لگانے کا مطالبہ کررہے ہیں۔کووڈ کے جھٹکے سے نکل رہی عالمی معیشت کو رفتار دینے کا مسئلہ بھی اس وقت عالمی برادری کے سامنے ایک بڑا معاملہ ہے۔
بین الاقوامی مالیاتی فنڈ کی ورلڈ اکنامک آوٹ پٹ رپورٹ کے مطابق2021میں عالمی معیشت کا اضافہ 6.0فیصد اور 2022میں 4.9فیصد رہے گا۔ کووڈ۔19کی وجہ سے 2020میں کووڈ وبا اور کفیو کے درمیان عالمی معیشت میں 4.9فیصد کی گراوٹ کا اندازہ ہے۔ کووڈ ٹیکہ کاری مہم میں عالمی مدد کے لئے ہندستان کووڈ کے ٹیکے اور معاون سامان کو ڈبلیو ٹی او کے تجارت سے متعلق دانشورانہ املاک کے حقوق سے چھوٹ دینے پر زور دے رہا ہے۔ افریقہ اور ہندستان نے اس کے لئے ڈبلیو ٹی او میں تجویز بھی رکھ رکھی ہے۔ ہندستان دنیا میں عام ادویات اور ویکسین تیار کرنے والا اہم ملک ہے۔ جی۔20میں شامل 19ملک اور یوروپی یونین دنیا کی آبادی کے 60فیصد کی نمائندگی کرتے ہیں۔ عالمی معیشت میں گروپ کا 80فیصد حصہ ہے