سی اے اے کے خلاف احتجاج :کیلفورنیا کے دارالحکومت اسکرامنٹومیں ہندوستانی باشندوں نے جتائی ناراضگی

مظاہرین میں خواتین اوربچے بھی شامل تھے۔اس احتجاجی مظاہرے سے اسکرامنٹوکونسل آف امریکین۔اسلامیک ریلیشن نے بھی خطاب کیا۔مقررین نے کہا کہ شہریت ترمیمی قانون کے ذریعہ ہندوستان کے آئین کی خلاف ورزی کی گئی ہے۔

احتجاجیوں کا کہناہے کہ شہریت ترمیمی قانون، ہندوستانی آئین کے خلاف ہے۔ مظاہرین نے نعرہ بازی کرتے ہوئے مودی حکومت کے خلاف ناراضگی کا اظہارکیا۔

مظاہرین نے امریکی اورہندوستانی پرچم کے ساتھ، پلے کارڈس، بینرس ہاتھوں میں لیکراپنا ناراضگی کا اظہارکیا۔احتجاجیوں میں خواتین کی بڑی تعداد نے شرکت کی ۔ اس موقع پرخواتین نے شہریت ترمیمی قانون، این پی آر، این آرسی کی مخالفت میں نعرے لگائیں۔

امریکی میڈیا کے مطابق اس مظاہرے میں ہزاروں افراد نے شرکت کرتے ہوئے ہندوستان کی جانب سے پارلیمنٹ میں منظور کیے گئے شہریت ترمیمی قانون کوانسانی حقوق کی خلاف ورزی قراردیاہے۔

شہرت ترمیمی قانون کے خلاف ملک بھرمیں احتجاجی مظاہروں کا سلسلہ جاری ہے۔ وہیں اب بیرون ممالک میں بھی احتجاجی مظاہرے ہورہے ہیں۔آج ہم آپ وبتائیں گے کہ کیلفورنیا کے دارالحکومت اسکرامنٹومیں مقیم ہندوستانیوں نے احتجاجی مظاہرے کیے ہیں۔

مظاہرین نے شہریت ترمیمی قانون پر نفاذ کو روکنے کے لی ےکیلفورنیا کی حکومت سے مطالبہ کیاہے کہ وہ سفارتی تعلقات کی بنیادپرہندوستان پردباؤ بنائے۔

احتجاج کے دوران مظاہرین نے آرایس ایس اور بی جے پی مخالف نعرہ بازی بھی کی ہے۔

اسکرامنٹوکونسل آف امریکین۔اسلامیک ریلیشن کے نمائندوں نے اس موقع پرخطاب کرتے ہوئے کہا کہ مظاہرین کے ساتھ اظہارِ یگانیت کیا۔

ہندوستان کی مختلف ریاستوں سے تعلق رکھنے والے باشندوں نے اس احتجاجی دھرنے میں شرکت کرتے ہوئے شہریت ترمیمی قانون کوواپس لینے کا مطالبہ کیا۔

مظاہرین نے مذہب کی بنیاد پرہندوستان کی تقسیم کرنے کی سازش کا الزام عائد کرتے ہوئے شہریت ترمیمی قانون کو آئین کے خلاف قراردیا۔

کیلفورنیا کے دارالحکومت اسکرامنٹومیں احتجاجی مظاہرے کے دوران لی گئی تصویر

شہریت ترمیمی قانون کے خلاف مظاہرہ