شہید فلسطینی نرس رزان النجارکی ماں بیٹی کے خون آلود کپڑے گلے سے لگاکر صدمے سے نڈھال

سوشل میڈیا پر شہید رزان کی محاذ جنگ پر زخمیوں کو طبی امداد فراہم کرنے کی تصاویر وائرل ہوئیں جنہیں بہت زیادہ شیئر کیا جا رہا ہے۔ ان تصاویر میں شہید نرس رزان النجار کی ماں کو صدمے سے نڈھال دیکھا جا سکتا ہے جو اپنی بیٹی کے خون آلود کپڑوں کو سینے لگائے صہیونیوں کا ماتم کر رہی ہے۔ ماں کی اس گری زاری کے مناظر کو سوشل میڈیا پر لاکھوں افراد نے شیئر کیا ہے۔

فلسطینی وزارت صحت نے ایک بیان میں بتایا کہ اسرائیلی فوج نے مشرقی غزہ میں حق واپسی کے لیے نکالے جانے والے مظاہروں پر فائرنگ اور آنسو گیس کی شیلنگ کی جس میں ایک لڑکی شہید اور 100 سے زائد مظاہرین زخمی ہوئے ہیں۔

عالمی میڈیا کے مطابق ، کہ 22 سالہ رازان نجار کو جمعہ کی شام مشرقی خان یونس میں اس وقت گولیاں ماری گئیں جب وہ گریٹ ریٹرن مارچ کے زیر اہتمام مظاہرے کے دوران زخمی ہونے والے فلسطینیوں کی مرہم پٹی میں مصروف تھیں۔

اسرائیلی فوج نے جمعہ کے روز غزہ کی پٹی میں زخمیوں کو طبی امداد فراہم کرنے میں پیش پیش رہنے والی ایک جواں سال فلسطینی نرس کو گولیاں مار کر شہید کر دیا۔

رزان کو زخمی ہونے کے بعد ان کے ساتھیوں نے جائے وقوعہ سے اٹھا کر محفوظ مقام پر منتقل کیا لیکن وہ بہت زیادہ خون بہہ جانے کی وجہ سے شہید ہوگئیں

اسرائیلی فوج کی جانب سے جمعہ کے روز پانچ طبی رضاکاروں کو فائرنگ کرکے زخمی کیا۔ ان میں رزان النجار بھی شامل تھیں جو بعد میں زخموں کی تاب نہ لاتے ہوئے دم توڑ گئیں۔