سعوی عرب :مکہ مکرمہ اورمدینہ منورہ میں دو مقدس مساجدکے بیرونی صحن میں داخلہ اورنمازمعطل

حکام نے مکہ مکرمہ اور مدینہ منورہ میں دو مقدس مساجد کے بیرونی صحن میں داخلہ اور نماز معطل کردی ہے ۔جمعہ کے روز علی الصبح مسجد الحرام اور مسجد نبویؐ کے امور کے جنرل اور ایوان صدر کے ترجمان نے کہا 'حکام نے 20 مارچ بروز جمعہ سے مکہ مکرمہ اور مسجد نبوی کے بیرونی صحن میں لوگوں کی موجودگی پر پابندی نافذ کردی ہے اور نماز جمعہ بھی ادا نہیں کی جائے گی۔ کورونا وائرس کے پھیلاؤ اور اس کے خدشات سے بچنے کے لیے احتیاطی طور پر یہ اقدام کیا گیا ہے۔(تصویر:AFP)۔

بیان میں مزید کہا گیا کہ مسجدالحرام اور مسجد نبویؐ کے جنرل ایوان صدر نے سب سے اپیل کی ہے کہ وہ نمازیوں میں وائرس کے پھیلاؤ کو روکنے کے ذریعہ دونوں مقدس مساجد کے زائرین کی صحت اور حفاظت کے لئے تمام احتیاطی تدابیر کے ساتھ تعاون کریں۔(تصویر:Pixabay)۔

ترجمان نے بیان میں یہ بھی کہا کہ سلامتی اور صحت کے حکام کے تعاون سے ایوان صدر دو مقدس مساجد میں انفیکشن کے پھیلاؤ کو روکنے کے لئے متعدد احتیاطی تدابیر اختیار کررہی ہے ، اس بات پر زور دیا کہ زائرین کی آگاہی اور تعاون سے ہی کورونا وائرس کی وباء پر قابوپایاجاسکتاہے۔(تصویر:Pixabay)۔

سعودی عرب کے فرماں روا شاہ سلمان بن عبد العزیز نے جمعرات کے روز اپنے ایک خطاب میں کہا تھا کہ حکومت کورونا وائرس سے نمٹنے کے لیے تمام ممکنہ اقدامات اٹھا رہی ہے اور اس بحران کے دوران ہر باشندے اور شہری کو دوائیاں، اشیائے خورد و نوش اور رہائش کی ضروریات کی فراہمی کو یقینی بنایا جا رہا ہے'۔(تصویر:NEWS18)۔

شاہ سلمان نے اپنے خطاب کے دوران کہا کہ 'آپ کا ملک مملکت سعودی عربیہ اس وبائی مرض کا مقابلہ کرنے اور اس کے اثرات کو محدود کرنے کے لئے تمام احتیاطی تدابیر کررہا ہے، ہم خدا تعالیٰ کی امداد پر انحصار کرتے ہیں، پھر اپنی پوری صلاحیتوں کو بروئے کار لاتے ہوئے آپ کے مضبوط عزم کی حمایت کرتے ہیں کہ اسی ثابت قدمی کے ساتھ اس مشکلات کا سامنا کریں'۔(تصویر:News18)۔

اس سے پہلے سعودی عرب نے مہلک کرونا وائرس کو پھیلنے سے روکنے کے لیے مملکت بھر میں مساجد میں جمعہ اور پنج وقت نمازوں کی ادائیگی معطل کرنے کا اعلان کیا تھا۔سعودی عرب کی سرکاری خبررساں ایجنسی ایس پی اے کی ایک رپورٹ کے مطابق شہریوں کو اپنے گھروں سے باہر مساجد میں نماز ادا کرنے کی اجازت نہیں دی جائیگی۔(تصویر:Pixabay)۔

سرکاری خبر رساں ایجنسی (ایس پی اے) نے وزارت داخلہ کے ذرائع کے حوالے سے اطلاع دی ہے کہ سعودی عرب نے جمعہ کے روز ہفتہ سے تمام گھریلو پروازیں ، بسیں ، ٹیکسی اور ٹرینیں 14 روز کے لئے معطل کردی گئیں۔ (تصویر:Pixabay)۔

ذرائع نے بتایا کہ یہ اقدام کورونا وائرس کے پھیلاؤ کو محدود کرنے کے لئے ایک احتیاطی اقدام کے طور پر سامنے آیا ہے جس سے عالمی منڈیوں میں خوف و ہراس پھیل گیا ہے اور متعدد ممالک کو ورچوئل لاک ڈاونز پر ڈال دیا گیا ہے۔(تصویر:Pixabay)۔

یادر ہے کہ جموں و کشمیر میں فی الوقت کورونا وائرس کے چار کیسز کی تصدیق ہوئی ہے جن میں 3 جموں میں جبکہ1 کشمیر میں درج ہوا ہے۔ کورونا وائرس کی دستک کے ساتھ ہی انتظامیہ نے وادی کشمیر کو لاک ڈاؤن کردیاہے۔ (تصویر:فائل فوٹو، نیوز18)۔

اس سے پہلے سعودی عرب نے صحت اور خوراک کی خدمات کے علاوہ نجی شعبوں میں کام کو 15 دن کے لئے معطل کردیا۔سرکاری خبر رساں ایجنسی نے بدھ کے روز ابتدائی طور پر رپورٹ میں یہ بات کہی تھی۔۔(تصویر:Pixabay)۔