فیس بک پر ملی فرینڈ رکویسٹ اصلی یا فرضی، ایسے پہچانیں
سوشل میڈیا، نئے دوست بنانے اور پرانے دوستوں سے رابطہ قائم ہونے کا ایک بہترین پلیٹ فارم ہے۔
سوشل میڈیا، نئے دوست بنانے اور پرانے دوستوں سے رابطہ قائم ہونے کا ایک بہترین پلیٹ فارم ہے۔ آج ہر کوئی اسے استعمال کر رہا ہے، مگر ہم کئی بار بھول جاتے ہیں کہ کسی انجان کو دوست بنانے سے ہم مصیبت میں بھی پھنس سکتے ہیں۔ کئی بار فرضی پروفائل بنا کر لڑکیوں کو پیار کے جال میں پھنسایا جاتا ہے تو لڑکوں کو بھی بلیک میل کیا جاتا ہے۔ لہذا ہم آپ کو بتا رہے ہیں کچھ ایسی باتیں جسے آپ ہمیشہ کسی بھی نئی فرینڈ رکویسٹ کو قبول کرنے سے پہلے ملحوظ خاطر رکھیں۔
نئی فرینڈ رکویسٹ کی پروفائل میں کتنی تصویریں ہیں اسے چیک کرنا چاہئے اور اگر اکاؤنٹ میں زیادہ تر فوٹیج ٹیگڈ کئے ہوئے ہیں جیسے 'ود 98 ادرس' تو اکاونٹ فرضی ہونے کا امکان زیادہ بڑھ جاتا ہے۔
تصویر کے علاوہ فیس بک اسٹیٹس، پوسٹ اور كمنٹس کو بھی كھنگالیں، اگر کئی دنوں تک کوئی اپ ڈیٹ نہیں ہے اور عجیب و غریب كمنٹس نظر آئیں، تو یہ سمجھئے کہ یہ اکاؤنٹ فرضی ہے۔
اگر آپ کو فرینڈ رکویسٹ بھیجنے والا شخص رینڈم لوگوں کو اپنی لسٹ میں شامل کر رہا ہے تو امکان ہے کہ یہ اکاؤنٹ فرضی ہے۔
آپ اس شخص کی فرینڈ لسٹ کو بھی دیکھیں، اگر اس شخص کی فرینڈ لسٹ میں جنس مخالف کے لوگ بہت زیادہ ہیں تو اس بات کا زیادہ امکان ہے کہ یہ فرضی اکاونٹ ہے۔
فرینڈ لسٹ کے علاوہ آپ اس شخص کے 'کے بارے میں' ( اباوٹ) سیکشن کو بھی احتیاط سے دیکھیں۔ اس سیکشن میں اگر اسکول، کالج، کام کی جگہ یا رہنے کی جگہ کے بارے میں کوئی معلومات نہیں دی گئی ہے تو اس بات کو طے سمجھیں کہ یہ اکاؤنٹ آپ کو پھانسنے کے لئے بنایا گیا ہے۔
آپ فرینڈ رکویسٹ بھیجنے والے شخص کی تاریخ پیدائش کو دھیان سے دیکھیں۔ اگر تاریخ پیدائش یکم جنوری یا 31 دسمبر ہے تو اکاؤنٹ فرضی ہو سکتا ہے۔
تاریخ پیدائش جنوری یا 31 دسمبر ہے تو بھی اکاؤنٹ فرضی ہو سکتا ہے۔ لڑکیوں کے نام سے بنے فرضی اکاونٹ میں موبائل نمبر بھی دیا ہوتا ہے۔ عموما لڑکیاں کبھی بھی اپنا نمبر اس طرح نہیں ڈالتیں۔
