ٹوئٹر نے ہٹایا مہاتیر محمد کا متنازعہ بیان، فرانس کے لوگوں کے قتل کو بتایا تھا جائز

ملیشیا کے سابق وزیر اعظم مہاتیر محمد کے متنازعہ ٹویٹ کو ٹوئٹر نے ڈیلیٹ کر دیا ہے۔ مہاتیر نے کہا کہ مسلمانوں کو غصہ ہونے اور فرانس کے لاکھوں لوگوں کو مارنے کا حق ہے۔ فرانس کے ایک چرچ پر حملے کے بعد مہاتیر محمد نے 13 ٹویٹ کئے تھے۔ سابق وزیر اعظم نے لکھا۔ ماضی کے قتل عام کے لئے مسلمانوں کو یہ حق ہے۔ ان کے اس بیان کو ٹوئٹر نے قابل اعتراض بتاتے ہوئے ہٹا دیا ہے۔

مہاتیر نے ' دوسروں کا احترام کریں' سے اپنے ٹویٹ کا آغاز کیا۔ لکھا، ایک 18 سال کے چیچن پناہ گزیں نے کلاس میں پیغمبر کے کارٹون دکھانے پر فرانسیسی استاذ سیموئل پیٹی کا قتل کر دیا۔ استاذ اظہار رائے کی آزادی کا مظاہرہ کر رہے تھے۔ ایک مسلمان کے طور پر میں اس قتل کو درست نہیں مانتا۔ میں اظہار رائے کی آزادی میں یقین رکھتا ہوں۔ لیکن مجھے نہیں لگتا کہ اس سے کسی کی بےعزتی کی جانی چاہئے۔

مہاتیر نے فرانس کے صدر ایمینوئل میکرون کو گستاخ بتایا۔ انہوں نے کہا کہ کسی مذہب کی توہین کر نے والے ایک استاذ کے قتل پر پورے اسلام کو قصوروار نہیں ٹھہرایا جانا چاہئے۔

ادھر فرانس کے نائس شہر میں ایک چرچ میں جمعرات کو ایک شخص نے چاقو سے حملہ کر دیا جس میں تین لوگوں کی موت ہو گئی۔ فرانسیسی صدر نے اسے اسلامی دہشت گردانہ حملہ بتایا ہے۔

بتا دیں کہ مشتبہ حملہ آور کو گولی ماری گئی ہے اور اسے حراست میں لیا گیا ہے۔

نائس شہر کے میئر نے اس خوفناک حادثہ کو دہشت گردی سے تعبیر کیا ہے۔

میئر کرسچین استورسی نے کہا کہ چاقو سے یہ حملہ شہر کے نوٹرے ڈیم چرچ میں ہوا ہے۔ پولیس نے حملہ آور کو گرفتارکرلیا ہے۔

پولیس نے بتایا کہ تین لوگوں کے مارے جانے کی تصدیق ہوگئی ہے۔ کئی دیگر زخمی ہوگئے ہیں۔ ایک پولیس ذرائع نے کہا کہ خاتون کا گلا کاٹا گیا ہے۔ فرانس کے ایک لیڈر نے بھی اس بات کی تصدیق کی ہے کہ خاتون کا گلا کاٹا گیا ہے۔

فرانس کے دہشت گردی مخالف محکمہ نے کہا کہ اسے اس حملے کی جانچ کی ذمہ داری دی گئی ہے۔

یہ حملہ ایسے وقت میں ہوا ہے، جب کچھ وقت پہلے ہی فرانسیسی ٹیچر کی پیغمبر کا کارٹون دکھانے پر قتل کردیا گیا تھا۔ حالانکہ یہ ابھی تک واضح نہیں ہوسکا ہےکہ چرچ میں چاقو سے حملہ کرکے لوگوں کا قتل کرنے کے پیچھے مقصد کیا تھا۔

اس سے قبل فرانس میں آخری نبی صلی اللہ اللہ علیہ وسلم کا کارٹون دکھانے پر ایک ٹیچرکا گلا کاٹ کر قتل کردیا گیا تھا۔

اس حادثہ کے بعد فرانس کے صدر امانوئل میکرون نے شخص کی آزادی اور مذہب کی آزادی کی بات کہہ کر آزادی رائے کی حمایت کی ہے۔ حالانکہ اس کے بعد سے ان کو مسلم ممالک کی سخت تنقید کا سامنا کرنا پڑ رہا ہے۔ پوری دنیا میں ان کے خلاف ناراضگی پائی جارہی ہے اور فرانسیسی اشیا کے بائیکاٹ کا سلسلہ شروع ہوگیا ہے۔