ٹرمپ کی بڑھ سکتی ہیں مشکلیں! صدر عہدہ چھوڑتے ہی جا سکتے ہیں جیل

موجودہ صدر ڈونلڈ ٹرمپ بھلے ہی فی الحال اپنی ہار ماننے کے لئے تیار نہ ہوں لیکن نتائج سے واضح ہے کہ جو بائیڈن ہی امریکہ کے اگلے صدر بننے جا رہے ہیں۔ حالانکہ، اب اس طرح کی خبریں آ رہی ہیں کہ جس دن ٹرمپ نے صدر عہدے سے استعفیٰ دیا اسی دن سے ان کی گرفتاری کی الٹی گنتی بھی شروع ہو سکتی ہے۔ مانا جا رہا ہے کہ ان کے خلاف کئی ایسے معاملے ہیں جس میں انہیں استعفی دیتے ہی جیل ہو سکتی ہے۔ فوٹو: اے پی

بی بی سی کی رپورٹ کے مطابق، کئی ماہرین کا ماننا ہے کہ ٹرمپ کی مدت کار میں ہوئے مبینہ گھوٹالوں کی جانچ سے پتہ چلتا ہے کہ انہیں صدر کے عہدے سے ہٹنے کے بعد مجرمانہ کارروائی کے علاوہ مشکل مالی صورت حال کا بھی سامنا کرنا پڑ سکتا ہے۔ صدر پر رہتے ہوئے ان کے خلاف سرکاری کام کاج میں کے لئے مقدمہ نہیں چلایا جا سکتا ہے اور وہ اسی کا فائدہ اٹھا کر ان مشکلوں سے بچتے رہے ہیں۔ فوٹو: اے ایف پی

جیل نہ بھی ہو تو امریکی میڈیا رپورٹوں کے مطابق، ڈونلڈ ٹرمپ کو بھاری مالی خسارے کا سامنا بھی کرنا پڑ سکتا ہے۔ ان میں بڑے پیمانے پر نجی قرض اور ان کے کاروبار کی مشکلیں شامل ہیں۔ نیویارک ٹائمس کے مطابق، اگلے چار سالوں میں ٹرمپ کو 30 کروڑ سے زیادہ ڈالر کا قرض چکانا ہے۔ فوٹو: اے ایف پی

ڈونلڈ ٹرمپ کے ناقدین کہتے ہیں کہ ان کا صدر عہدے پر ہونا ان کی قانونی اور مالی مسائل میں ان کا کوچ بن گیا ہے۔ اگر یہ سب نہیں رہے گا تو ان کے مشکل دن آ سکتے ہیں۔ فوٹو: اے ایف پی

پیس یونیورسیٹی میں لا کے پروفیسر بینٹ گرش مین نے کہا کہ اس بات کا امکان ہے کہ ڈونلڈ ٹرمپ پر مجرمانہ معاملے چلائے جائیں گے۔ انہوں نے بتایا کہ صدر ٹرمپ پر بینک دھوکہ دہی، ٹیکس دھوکہ دہی، منی لانڈرنگ اور انتخابی دھوکہ دہی جیسے معاملوں میں الزام لگ سکتے ہیں۔ فوٹو: اے ایف پی۔

ساتھ ہی وہ یہ بھی بتاتے ہیں کہ ان کی انتظامیہ پر لگے گھوٹالوں کے الزامات کی جانچ اور اس سال کے آغاز میں ان کے خلاف کی گئی مواخذہ کارروائی سے وہ کامیاب طور پر بری ہو گئے۔ لیکن یہ سبھی جانچ صدر کو پراسکیوشن سے ملے تحفظ کے دوران ہوئی تھیں۔ محکمہ انصاف بار بار یہ کہتا رہا ہے کہ صدر کے خلاف عہدے پر رہتے ہوئے مجرمانہ مقدمہ چلایا نہیں جا سکتا۔ فوٹو: اے ایف پی

بینٹ گرش مین کہتے ہیں کہ ہم پہلے سے جانتے ہیں کہ ان پر ووٹر فراڈ کے الزام لگائے جا سکتے ہیں کیونکہ مینہٹن کے لئے امریکی اٹارنی نے ٹرمپ کو مائیکل کوہین کے ساتھ سازش میں معاون بتایا ہے۔ فوٹو: اے ایف پی

مائیکل کوہین کی جانچ کے دوران رسمی طور پر بتایا گیا تھا کہ صدر عہدے کے ایک امیدوار مجرمانہ سرگرمی سے مبینہ طور پر جڑے ہوئے تھے۔ امریکی میڈیا نے اس امیدوار کو ٹرمپ کے نام سے جوڑا تھا۔ فوٹو: اے ایف پی۔