دنیا کی سب سے بڑی افطاری ، 12 کلو میٹر طویل دسترخوان ، جو صرف دس منٹ میں جاتا ہے سمٹ

رمضان کا مقدس مہینہ ہم سب پر سایہ فگن ہے ۔ رمضان آتے ہی افطار و سحور کا ذکر شروع ہو جاتا ہے اور دنیا بھر میں رہنے والے مسلمان رمضان کے مبارک مہینے کا احترام کرتے ہوئے روزہ رکھتے ہیں اور خواتین خانہ روزہ داری کے ساتھ افطار کے اہتمام میں مصروف ہو جاتی ہیں۔تاہم آئیے ہم آپ کو ایک ایسی افطاری کے بارے میں بتاتے ہیں جہاں کئی کلومیٹر طویل دسترخوان بچھتا ہے اور لاکھو افراد شرکت کرتے ہیں ، مگر صرف دس منٹ میں ہی دسترخوان اٹھالیا جاتا ہے اور فرش بھی دھل دیاجاتا ہے۔

جی ہاں ، میں بات کررہا ہے اس روئے زمین پر سب سے مقدس مقام کی ، یعنی خانہ کعبہ کی ۔ یہاں رمضان کی آمد کے ساتھ ہی زائرین کی تعداد بڑھنی شروع ہوتی ہے اور لوگ کعبے کے سامنے بیٹھ کر روزہ افطار کرنا زندگی کا سب سے بڑا لمحہ سمجھتے ہیں۔

مکہ میں بچھائے جانے والے دسترخوان کی لمبائی 12 کلو میٹر ہے جو کعبہ کے گرد لگایا جاتا ہے۔

یہاں روزانہ لاکھوں روزہ دار افطار کرتے ہیں اور ایک اندازے کے مطابق ان پر 10 لاکھ سعودی ریال صرف ہوتے ہیں۔

یہ دنیا کی سب سے بڑی افطاری ہے ۔ اس افطاری کی خاص بات یہ ہے کہ یہ صرف دس منٹ میں سمٹ جاتی ہے اور فرش دھل کر صاف ہو جاتا ہے۔

رپورٹس کے مطابق یہاں یومیہ 50 لاکھ کھجوریں اور 20 لاکھ آب زمزم کی بوتلیں افطار کے دسترخوان پر سجائی جاتی ہیں۔