G20 اجلاس میں شرکت کے لیے مندوبین کی کشمیر آمد، روایتی انداز میں پرتپاک استقبال، سرینگر میں سجاوٹ

G20 Officials Arrive in Kashmir: جی 20 کے (3rd Tourism Working Group Meeting) میٹنگ کے لیے پہنچنے پر G20 مندوبین کا سری نگر ہوائی اڈے پر پرتپاک روایتی استقبال کیا گیا۔ اس موقع پر کشمیری عوام نے اپنے مہمانوں کے شاندار استقبال کی روایت کی ایک جھلک پیش کی۔ جی 20 ممالک کے ٹورزم ورکنگ گروپ کی تیسری میٹنگ میں تقریباً 60 غیر ملکی مندوبین پیر کو سری نگر پہنچے۔

سرینگر میں آج سے سہ روزہ جی ٹوینٹی اجلاس کا اغاز ہونے جارہا ہے،اس اجلاس کے پیش نظر سرینگر کو سجا یا گیا ہے،سکیورٹی کے سخت انتظامات کئے گئے ہیں۔ وہیں اسی کے پیش نظر ایک مقامی کشمیری لڑکی SKICC، سری نگر میں G20 اجلاس میں آنے والے مندوبین کے استقبال کے لیے روایتی لباس میں ملبوس نظر آئی۔

جی 20 گروپ کے کئی ممالک کے نمائندے سخت حفاظتی انتظامات کے درمیان چارٹرڈ فلائٹ میں سری نگر انٹرنیشنل ایئرپورٹ پہنچے۔ جہاں ان کا استقبال کیا گیا۔

جی 20 ممالک کے ٹورزم ورکنگ گروپ کی تیسری میٹنگ میں تقریباً 60 غیر ملکی مندوبین پیر کو سری نگر پہنچے۔

اگست 2019 میں آرٹیکل 370 کی منسوخی کے بعد یہ پہلی بین الاقوامی میٹنگ ہے۔

G20 گروپ کے ممالک کے نمائندے سخت حفاظتی انتظامات کے درمیان صبح چارٹرڈ فلائٹ کے ذریعے سری نگر کے بین الاقوامی ہوائی اڈے پر پہنچے۔ راستے میں سیکورٹی اہلکاروں کی بھاری تعیناتی کے درمیان وفود کو شیر کشمیر انٹرنیشنل کنونشن سینٹر (SKICC) لے جایا گیا، جو کہ جلسہ گاہ ہے۔

وفود کے استقبال کے لیے دیواروں اور ہورڈنگز کو پینٹ کیا گیا ہے۔ پروگرام کے انعقاد کو یقینی بنانے کے لیے سکیورٹی کے سخت انتظامات کیے گئے ہیں تاکہ کسی ناخوشگوار واقعے کے بغیر انعقاد کیا جاسکے۔

حکام نے SKICC کے ارد گرد بلیوارڈ روڈ کو تین دن کے لیے نو گو زون بنا دیا ہے۔ اس کے ساتھ ہی وفود کے زیر استعمال راستے اور ایئرپورٹ روڈ سے ڈلگیٹ جانے والے راستے پر سیکورٹی فورسز کی بھاری نفری تعینات ہے۔