جموں و کشمیر : سرینگر کے حیدرپورہ علاقہ میں انکاونٹر، دیکھئے تصاویر

سرینگر : جموں و کشمیر میں سرینگر کے حیدر پورہ علاقہ میں انکاونٹر میں ایک ملی ٹینٹ مارا گیا ۔ مارے گئے ملی ٹینٹ کی ابھی پولیس نے شناخت نہیں کی ہے ، لیکن غیر مصدقہ اطلاعات کے مطابق اس کا تعلق پلواملہ سے ہے۔ سیکورٹی فورسز نے ملی ٹینٹوں کی موجودگی کی اطلاعات کے بعد محاصرہ کیا ۔

اس علاقہ سے گزرنے والی قومی شاہراہ کو بند کردیا گیا ہے اور ابھی فائرنگ نہیں ہو رہی ہے ، لیکن محاصرہ اور تلاشی جاری ہے۔

سرینگر میں حیدر پورہ اور بمنہ علاقے میں کئی دنوں سے ملی ٹینٹوں کی موجودگی کی خبریں پولیس کو موصول ہو رہی تھیں ۔

اس سے قبل پولیس نے مہران نامی سرینگر کے انتہائی مطلوب ملی ٹینٹ کو گھیرا ، لیکن وہ فائرنگ کرکے بھاگنے میں کامیاب ہوا تھا ۔

سرینگر کے نوا کدل علاقے میں کل بھی فائرنگ کا ایک واقعہ پیش آیا ، جس میں ایک پولیس اہلکار زخمی ہوا ۔