جموں و کشمیر : 10 سال سے لاپتہ ہندوارہ کا نوجوان بازیاب ، علاقہ میں خوشی کی لہر، پولیس کی ہرطرف ہورہی تعریف

جموں و کشمیر: ہندوارہ پولیس کو آج اس وقت بڑی کامیابی ہاتھ لگی ، جب اس نے دس سال قبل 2009 میں لاپتہ ہوئے نوجوان کو بازیاب کرلیا ۔ لوگوں نے ایس پی ہندوارہ کے اس اقدام کی ستائش کی ۔ تفصلات کے مطابق سوچلیاری ہندوارہ میں دس سال قبل ایک آٹھویں جماعت کا طالب علم لاپتہ ہو گیا تھا اور لواحقین نے پولس اسٹیشن میں گمشدگی کی رپورٹ درج کرائی تھی ۔ تاہم گھر والوں نے اپنے بچے کی زندہ ہونے کی امید چھوڑ دی تھی ۔ ان کو لگا تھا کہ یا تو وہ مارا گیا ہے یا کسی جانور نے اپنا نوالا بنالیا ۔ ( رپورٹ اور تصاویر : یحیی سلطان )

لیکن ہندوارہ پولیس نے ایس پی ہندوارہ سندیپ گپتا کی ہدایت پر تحقیقات ٹیم تشکیل دی تھی ، جس کی سربراہی ایس ڈی پی او ہندوارہ فارسر احمد کررہے تھے اور آج پولیس نے اس کو سرینگر میں ایک نجی فیکٹری سے بازیاب کیا ۔

یہ خبر پھلتے ہی پورے علاقہ میں خوشی کی لہر دوڑ گئی اور لوگ بازیاب نوجوان کو دیکھنے کیلئے پولیس اسٹیشن کا رخ کرنے لگے ۔ اس خبر سے نوجوان کے والدین اور رشتے داروں میں نئی جان آگئی ۔ اس موقع پر رقت آمیز مناظر دیکھنے کو ملے ۔ بچے کو دیکھ کر ماں کے آنکھوں سے آنسوؤں چھلک پڑے ۔

والدین کا کہنا کہ ان کیلئے یہ دن کسی عید سے کم نہیں ہے ۔ جبکہ بازیاب نوجوان نے جب دس سال کے بعد اپنے ماں باپ کو دیکھا تو وہاں آنسوؤں کا سیلاب دبکھنے کو ملا ۔

انہوں نے ایس پی ہندوارہ سندیپ گپتا ، ایس ڈی پی او ہندوارہ فارسر احمد اور ایس ایچ او کے اس اقدام کی ستائش کی ۔ اس موقع پر پولیس نے تمام قانونی لوازمات پوری کرنے کے بعد نوجوان کو والدین کے سپرد کردیا ۔