جموں و کشمیر : 21 سالہ عدنان منظور نے رباب پر اپنی دھنوں سے انٹرنیٹ پر مچائی سنسنی

بیمنا سری نگر کا ایک 21 سال کا لڑکا اپنی مدھر دھنوں سے انٹرنیٹ پر ایک سنسیشنل اسٹار بن گیا ہے ، جسے وہ ایک رباب پر بجاتا ہے ۔ عدنان منظور ، کشمیر یونیورسٹی سے انجینئرنگ کے طالب علم نے صرف 15 سال کی عمر میں رباب اٹھایا اور ایک مشہور موسیقار عرفان بلال سے سیکھنا شروع کیا۔ تب سے عدنان نے اس طرح سے مہارت حاصل کی ہے کہ وہ مغربی اور لوک موسیقی کو بالکل ایک ساتھ ملا دیتا ہے۔ (رپورٹ اور تصاویر : پرویز بٹ)

عدنان کا انسٹرومنٹ میوزک ویڈیو "تمھے دل لگے" اتنا بڑا ہٹ تھا کہ اسے انٹرنیٹ پر 50 لاکھ اور یوٹیوب پر 15 لاکھ ویوز ملے ۔ عدنان کا کہنا ہے کہ لوگ روایتی موسیقی کے آلات کو فراموش کر چکے ہیں ۔ میرا مقصد یہ ہے کہ اس طرح کے آلات کو زندہ کیا جائے اور نوجوان نسل کو اس طرف راغب کیا جاسکے۔

عدنان منظور نے پورے ملک میں بہت سے لائیو میوزیکل کنسرٹ اور ایونٹس میں حصہ لیا ہے ۔ انہوں نے مشہور میوزک ڈائریکٹر ہمیش ریشمیا کے ساتھ بھی کام کیا ہے۔ اس وقت وہ زی میوزک انڈسٹری کے ساتھ ایک نئے پروجیکٹ پر کام کر رہے ہیں۔

عدنان نے نیٹ ورک 18 سے گفتگو کرتے ہوئے کہا کہ "میرا حتمی خواب بین الاقوامی سامعین کے سامنے لائیو پرفارم کرنا ہے۔ میں پوری دنیا میں رباب کو فروغ دینا چاہتا ہوں اور اسے اس کی عمدہ شان میں زندہ کرنا چاہتا ہوں"۔

اس وقت عدنان آن لائن بہت سارے نوجوانوں کو رباب کی تعلیم دے رہے ہیں۔ اس کے پاس پوری دنیا کے طلبہ ہیں۔ وہ کہتے ہیں کہ "میں نوجوان نسل کو موسیقی کے روایتی آلات کے بارے میں بتانا چاہتا ہوں اور میں چاہتا ہوں کہ وہ یہ آلات سیکھیں۔ جو بھی رباب سیکھنا چاہتا ہے وہ کبھی بھی مجھ سے رابطہ کرسکتا ہے"۔

رباب ایک روایتی موسیقی کا آلہ ہے ، جو افغانستان سے نکلتا ہے ۔ یہ پچھلے کئی دہائیوں میں وادی کشمیر میں صوفی موسیقاروں نے بڑے پیمانے پر استعمال کیا تھا ، لیکن نئے موسیقی کے آلے کی وجہ سے وہ اپنی چمک کھو رہا ہے۔