کشمیر میں زچگی کے دوران خواتین اور نوزائیدہ بچوں کی شرح اموات میں کمی درج ہوئی

سرینگر کے اشتراک سے پہلی بار Maternal Mortality rate کا شمار کیا ہے۔ اس سے پہلے اس کے اعداد و شمار کبھی پیش نہیں کئے گئے۔

ان اعداد و شمار کے مطابق زچگی کے دوران خواتین کی شرح اموات جموں کشمیر میں 46 ہے جو کیرالہ کے بعد سب سے کم اور مہاراشٹرا کے برابر ہے۔

کیرالہ میں یہ شرح اموات 43 ہےجب کہ مہاراشٹرامیں بھی یہ 46 ہے ۔ محکمہ صحت و سماجی بہبود کے ڈائریکٹر جنرل ڈاکٹر سلیم الرحمان کہتے ہیں کہ ایم ایم آر کے بارے میں ڈاٹا میسر نہ ہونا ایک بہت خراب بات تھی لیکن اب یہ اعداد و شمار ہم نے حاصل کرلئے ہیں اور ہمارے ہاں صحت اور سماجی بہبود میں بہتر کارکردگی کی غماز ہے۔

46 کی شرح اموات کا مطلب ہے کہ جموں کشمیر میں ہر ایک لاکھ زچگی میں سے 46 خواتین کی موت زچگی کے دوران یا اس کے ایک مہینے کے اندر زچگی سے وابستہ مسائل کی وجہ سے ہوتی ہے۔

ملک میں ایم ایم آر تازہ ترین اعداد و شمار کے مطابق 113 درج کیا گیا ہے۔ ماہرین کے مطابق سرینگر میں زچگی کے دوران شرح اموات صفر کے برابر ہے جب کہ پلوامہ اور پونچھ جیسے اضلاع میں یہ 100سے زائد ہے۔ اُدھر نوزائیدہ بچوں کی شرح اموات بھی کشمیر میں کافی کم ہوئی ہے۔

سیمپل سروے سسٹم کے اس بار کے اعداد و شمار کے مطابق جموں کشمیر میں نوزائیدہ بچوں کی شرح اموات 20 ہے۔ یعنی ہر ایک ہزار نو زائیدہ بچوں میں سے 20 کی موت ہوجاتی ہے۔ جموں کشمیر ملک کی ریاستوں اور مرکزی زیر انتظام علاقوں میں اس معاملے میں ساتویں مقام پر ہے۔

46 کی شرح اموات کا مطلب ہے کہ جموں کشمیر میں ہر ایک لاکھ زچگی میں سے 46 خواتین کی موت زچگی کے دوران یا اس کے ایک مہینے کے اندر زچگی سے وابستہ مسائل کی وجہ سے ہوتی ہے۔

اس معاملے میں ملک کی شرح 30 ہے۔ طبی ماہرین کہتے ہیں کہ زچہ بچہ کی صحت میں بہتری یہاں پر بہتر ہورہئے طبی نظام اور مرکزی حکومت کی پالیسیوں اور عوام میں بڑھ رہی جانکاری کا نتیجہ ہے۔ (میر شبیر احمد کی رپورٹ)