NMACC کی شاندار افتتاحی تقریب میں نیتا امبانی خوبصورت رقص سے لوٹ لی محفل

NMACC Opening Ceremony: ریلائنس فاؤنڈیشن کی چیئرپرسن نیتا امبانی Nita Ambani نے ممبئی میں نیتا مکیش امبانی کلچرل سینٹر کی افتتاحی تقریب کے دوران 'رگھوپتی راگھو' پر ڈانس پرفارمنس دی۔ ان کے ساتھ دیگر فنکاروں نے بھی خوبصورت پرفارمنس دی۔

وہیں اس ثقافتی مرکز کے افتتاح کے موقع پر، نیتا امبانی نے کہا، 'میں NMACC کو مل رہی حمایت سے بہت خوش ہوں۔ یہ دنیا کے بہترین ثقافتی مراکز میں سے ایک ہے۔ تمام فنون اور فنکاروں کا یہاں استقبال ہے۔

تقریب میں ریلائنس انڈسٹریز کے سی ایم ڈی مکیش امبانی اور ان کی بیٹی ریلائنس ریٹیل وینچرز لمیٹڈ کی ڈائریکٹر ایشا امبانی، موجو د تھیں۔ اننت امبانی اور ان کی منگیتر رادھیکا مرچنٹ اور آکاش امبانی اور ان کی اہلیہ شلوکا امبانی نے بھی افتتاحی تقریب میں شرکت کی۔

اس ثقافتی مرکز کی افتتاحی تقریب میں سیاستداں سے لے کر فلمی دنیا تک کی معروف شخصیات نے شرکت کی۔ ان میں مہاراشٹر کے سابق وزیر اعلیٰ ادھو ٹھاکرے اور ان کی اہلیہ اور بیٹا آدتیہ ٹھاکرے، سلمان خان، شاہ رخ خان، صنعت کار آنند مہندرا، سچن تیندولکر اپنی اہلیہ اور بیٹی کے ساتھ شامل ہونے پہنچے۔

نیتا مکیش امبانی کلچرل سینٹر ممبئی کے بانڈرہ کرلا کمپلیکس میں واقع جیو ورلڈ گارڈنز میں بنایا گیا ہے۔ اس سینٹر میں 3 پرفارمنگ آرٹس کے مقامات ہیں۔

یہ ثقافتی مرکز جدید ترین سہولیات سے لیس ہے۔ اس میں ڈائمنڈ باکس، اسٹوڈیو تھیئٹر، آرٹ ہاؤس اور پبلک آرٹ جیسی بہت سی چیزیں ہیں۔ زائرین کو عالمی معیار کا تجربہ دینے کے لیے اس ثقافتی مرکز کو خصوصی طور پر ڈیزائن کیا گیا ہے۔