تہوار کے موسم میں منسوخ ہوئیں یہ اسپیشل ٹرینیں، کہیں آپ کا بھی تو نہیں ہے ریزرویشن، چیک کریں لسٹ

انڈین ریلوے تہوار کے موسم میں کئی فیسٹیول ٹرینیں چلا رہا ہے، لیکن تکنیکی خرابی کے پیش نظر ریلوے نے کئی اسپیشل ٹرینوں کو منسوخ کر دیا ہے۔ اگر آپ نے بھی ان ٹرینوں میں ریزرویشن کرا رکھا ہے تو فورا لسٹ چیک کر لیں۔

ریلوے نے ہفتہ کو دہلی آنے جانے والی 6 ٹرینوں کو منسوخ کیا ہے۔ ان میں آنند وہار ٹرمنل سے لکھنئو جانے والی اور لکھنئو سے آنے والی فیسٹیول اسپیشل ٹرین نمبر 04421, 04422 کو 2، 5 اور 7 نومبر اور 1، 4 اور 6 نومبر کو رد کر دیا گیا ہے۔

نئی دہلی سے شری ماتا ویشنو دیوی کٹرا اور کٹرا سے نئی دہلی کے درمیان چلنے والی فیسٹیول اسپیشل ٹرین بھی کینسل کر دی گئی ہے۔ دہلی۔ بھٹنڈا فیسٹیول اسپیشل ٹرین بھی کینسل کی فہرست میں شامل ہے۔ اس کے علاوہ نئی دہلی۔ کالکا شتابدی کے ساتھ ہی نئی دہلی۔ امرتسر سورن شتابدی، دلی۔ شری گنگانگر سپر فاسٹ، نئی دہلی۔ جموں توی اسپیشل، نئی دلی۔ کٹرا شری شکتی ایکسپریس، امرتسر۔ جئے نگر فیسٹیول اسپیشل ٹرین کو بھی منسوخ کیا گیا ہے۔

یہ کلون ٹرین اگلے آرڈر تک کینسل رہے گی۔

بتا دیں کہ ریلوے نے تہوار کے موسم کے پیش نظر کئی اسپیشل ٹرینیں چلانے کا اعلان کیا ہے۔ مسافروں کی بڑھتی مانگ کی بنیاد پر ریلوے اور بھی ٹرینیں بڑھانے کا انتظام کر رہا ہے جس سے سبھی لوگ آسانی سے سفر کر اپنے گھروں کو پہنچ سکیں۔