گوگل پلے اسٹور سے ہٹانے کے بعد اب کیا موبائل فون میں بند ہو جائے گا Paytm ایپ؟ جانئے یہاں

نئی دہلی: گوگل Google نے جمعے کو گوگل پلے اسٹور Google PlayStore سے پے ٹی ایم Paytm کو ہٹا دیا ہے۔جس کے بعد یوزرس اس ایپ کو ڈاؤن لوڈ نہیں کر پا رہے ہیں۔ اس پر گوگل نے کہا ہے کہ وہ کسی بھی گیمبلنگ (جوا کھیلنے والے) ایپ کی حمایت نہیں کرے گا۔

پے ٹی ایم اور یو پی آئی UPI ایپ (One97 Communication Ltd) کے ذریعے ڈیولپ کیا گیا ہے۔ اس ایپ کو Google Play Store اسٹور پر درچ کرنے پر یہ نظر نہیں آرہا ہے۔ پہلے انڈرائیڈ Android اسمارٹ فون میں انسٹال ہوا ایپ کام کر رہا ہے۔

پے ٹی ایم Paytm کا آیا جواب: پے ٹی ایم Paytm نے ٹویٹ کیا ہے کہ پے ٹی ایم ایپ ڈاؤن لوڈ کرنے یا اپ ڈیٹ کرنے کے لئے گوگل کے پلے اسٹور پر عارضی طور پر دستیاب نہیں ہے۔ یہ بہت جلد واپس آجائے گا۔

پے ٹی ایم نے کہا، آپ کے سارے پیسے مکمل طور پر محفوظ ہیں اور جو لوگ پہلے ہی پے ٹی ایم ایپ ڈاؤن لوڈ کرچکے ہیں وہ معمول کے مطابق اپنا پے ٹی ایم ایپ استعمال کرسکتے ہیں۔

گوگل نے اپنے بلاگ میں لکھا ہے کہ ہم آن لائن جوئے کی اجازت نہیں دیتے ہیں۔ ہم کسی بھی ایسے ایپ کی حمایت نہیں کرتے ہیں جو کسی صارف کو دوسری ویب سائٹ پر لے جاتا ہے۔ اگر کوئی ایپ کسی ایسی ویب سائٹ پر کسٹمر کو لے جاتا ہے جہاں نقد انعام جیتنے کیلئے ٹورنامنٹ میں حصہ لے سکتے ہیں۔

گوگل Google کسی بھی ایپ کو ایسا کرنے کی اجازت نہیں دیتا ہے اور ایسا کرنا گوگل کی پالیسیوں کی خلاف ورزی ہے۔

گوگل کے نائب صدر سوزان فری Suzanne Frey نے لکھا ہے کہ ہم آن لائن جوا بازی کے اڈوں کی اجازت نہیں دیتے ہیں اور نہ ہی کسی قسم کے جوئے بازی کے کھیلوں کی تائید کرتے ہیں جو کھیل سٹے بازی کی سہولیت مہیا کرتے ہیں۔